بريتان ءجۋرناليسى يۋسۋف ومار ەۋرازيالىق مەديافورۋم بارىسىندا ءموبيلدى جۋرناليستيكا تۋرالى تاجىريبەسىمەن ءبولىستى.

«#Hashtag our stories» كومپانياسىنىڭ نەگىزىن قالاۋشى، بريتان ءجۋرناليسى يۋسۋف ومار زاماناۋي جۋرناليستيكانىڭ تەحنولوگيالارى تۋرالى ايتتى. يۋسۋف ومار Snapchat ارقىلى ءۇندىستانداعى زورلىق-زومبىلىق قۇرباندارىنىڭ ماسەلەسىن كوتەرگەن بولاتىن.

ونىڭ شاعىن ماتىنمەن جازىلعان ۆيدەولارى اقپارات الەمىندە جاڭا لەپ اكەلگەن بولاتىن. «الەۋمەتتىك جەلى ارقىلى جوعارى ساپالى ينتەرنەتتىڭ كومەگىمەن جىلدام مونتاج جاساپ، ساپالى اقپارات جازۋعا بولادى. لاس-ۆەگاستاعى اتىستى جۋرناليستەر ەمەس، وقيعانى كوزىمەن كورگەندەر الەۋمەتتىك جەلى ارقىلى تاراتتى. ءموبيلدى جارناليستيكا قازىرگى زاماننىڭ جۋرناليستيكاسىنداعى جاڭا لەپ دەسەك بولادى»، - دەدى يۋسۋف ومار.

جاڭالىقتى مونتاجداۋ ءۇشىن اسا كوپ ۋاقىت قاجەت ەمەس.

شەبەرلىك ساباقتارىن بىرنەشە رەت سۋرەتكە ءتۇسىرىپ الىپ، سوسىن شاعىن عانا ۆيدەو ءتۇسىرىپ، مونتاجداپ جەلىگە سالۋ كەرەك.

«كەز كەلگەن جەردە، كەز كەلگەن ۋاقىتتا تەلەفون ارقىلى وقيعا ورنىنان رەپورتاج تاراتۋ كەرەك. ول ءۇشىن شتاتيۆ نەمەسە كامەرا كەرەك ەمەس. ماسەلەن، ءقازىر مەن سىزدەردىڭ الدىڭىزدا تۇرسام، مەنىڭ كوزىلدىرىگىم وسىندا بولىپ جاتقان دۇنيەنىڭ بارلىعىن ءتۇسىرىپ جاتىر»، - دەدى ول.

بريتاندىق مامان قازاقستانداعى ءموبيلدى جۋرناليستيكا دەڭگەيىن ورتاشا دەپ باعالادى.

«ءقازىر شەبەرلىك ساعاتىن 2-3 جۋرناليست قانا الەۋمەتتىك جەلىگە جاريالادى. مەنە ينتەرۆيۋ العان تىلشىلەردىڭ ەشقايسىسى رەپورتاج جاسامادى»، - دەدى يۋ. ومار.

ايتا كەتۋ كەرەك، الماتىدا ەۋرازيالىق مەديافورۋمى وسىمەن 15 رەت وتكىزىلىپ وتىر.