الماتىدا قازاقستان رەگبي فەدەراسياسىنىڭ ءار ايماقتاعى وكىلدەرىنىڭ قاتىسۋىمەن جيىن ءوتىپ، سونىن ناتيجەسىندە فەدەراسياعا جاڭا پرەزيدەنت سايلاندى، دەپ حابارلايدى قالالىق اقپاراتتىق جانە سپورتتىق حاب.

جاڭا پرەزيدەنت بولىپ 30 جاستاعى اسىل شالعىمبايەۆ تاعايىندالدى. ول ق ر قورعانىس جانە اەروعارىش ونەركاسىبى مينيسترلىگىندە قىزمەت اتقارادى.

بۇل شەشىم وسى جيىنعا قاتىسقان ءار اۋداننىڭ فەدەراسيا وكىلدەرىنىڭ بىرەگەي داۋىس بەرۋى ارقىلى قابىلداندى. سونىمەن قاتار، جينالىسقا ق ر ۇوك مەن شەت ەلدەگى «World Rugby» وكىلى واكلەي ماتيۋ ەدۆارد پەن «Asia Rugby» پرەزيدەنتى اگا حۋسسەين قاتىستى.

«2018 جىلدىڭ 20 مامىرىنان باستاپ قازاقستان رەگبي فەدەراسياسىنىڭ جاڭا پرەزيدەنتى بولىپ شالعىمبايەۆ اسىل مۇراتشاي ۇلى سايلانسىن»، - دەدى ءوز سوزىندە جينالىس ءتوراعاسى ستانيسلاۆ كنورر.

ول، اسىلدى وسى قىزمەتكە سايلاپ وتىرىپ، وعان ۇلكەن سەنىم ارتىپ، ەلىمىزدەگى رەگبي جاڭا دەڭگەيگە كوتەرىلەتىندىگىنە كۇمان كەلتىرمەيتىنىن جەتكىزدى.

«اسىل كەزىندە كوماندانىڭ مەنەدجەرى بولىپ، ۇلتتىق قۇرامامەن 10 جىل بويى حالىقارالىق جارىستارعا شىعىپ ءجۇردى. العا قويعان ماقساتى مەن جۇمىسىن جاقسى بىلەدى. بىرنەشە شەت تىلدەرىن جەتىك مەڭگەرگەن، كوپتەگەن مەملەكەتتىك مەكەمەلەردە قىزمەت اتقارعان»، - دەپ ستانيسلاۆ كنورر جاڭا باسشىنى قىسقاشا تانىستىرىپ ءوتتى.  

ءوز كەزەگىندە اسىل شالعىمبايەۆ وسىنداي سەنىم ارتىپ، قولداۋ كورسەتكەن ءۇشىن بارلىعىنا العىس ءبىلدىرىپ، بىرگە كوپتەگەن جەتىستىكتەرگە جەتەتىندىگىن ايتتى.

ايتا كەتسەك، اسىل شالعىمبايەۆ 2016 جىلدىڭ اقپان ايىنان باستاپ پرەزيدەنت بولعان مۇرات ۋانبايەۆتى الماستىردى. 

شالعىمبايەۆ اسىل مۇراتشا ۇلى 1987 جىلى 25 قاراشا الماتىدا دۇنيەگە كەلگەن.

ءال-فارابي اتىنداعى قازۇۋ-دىڭ قارجى ءبولىمىن اياقتاعان.

2006-2009 جىلدارى ق ر رەگبي فەدەراسياسىندا ق ر ۇلتتىق قۇرامانى دامىتۋ مەنەدجەرى بولىپ جۇمىس اتقاردى؛

2009-2010 جىلدارى ق ر رەگبي فەدەراسياسىنىڭ الماتىداعى ۆيسە-پرەزيدەنتى بولدى؛

2010-2012 جىلدارى «دامۋ» اق كاسىپكەرلىك فوندتى دامىتۋدا دەپارتامەنت كورپوراتيۆتىگىن دامىتۋ مەنەدجەرى بولدى؛

2011-2012 جىلدارى «دامۋ اق» كاسىپكەرلىك فوندتى دامىتۋدا باسقارما باسشىسىنىڭ كومەكشىسى؛

2012-2013 جىلدارى ق ر تجم «رەزەرۆ» كوميتەتى مەملەكەتتىك ماتەريالدار ساقتىق قورىندا باس ديرەكتوردىن كومەكشىسى؛

2014- 2017 جىلدارى ق ر سىرتقى ىستەر  مينيستەرلىگىندە قىزمەت ەتتى،

2017 جىلدان باستاپ قازىرگى ۋاقىتقا دەيىن ق ر قورعانىس جانە اەروعارىش ونەركاسىبى مينيسترلىگىندە قىزمەت اتقارادى.