الماتىدا ۆولەيبولدان ەرلەر جانە ايەلدەر اراسىندا شاقىرۋ كۋبوگىنا قۇرلىقتىق ىرىكتەۋ ءتۋرنيرى ءوتىپ جاتىر. ونىڭ العاشقى كەزەڭىندە قازاقستاندىق سپورتشىلار ايقىن باسىمدىقپەن جەڭىسكە جەتتى.
بۇگىن بالۋان شولاق اتىنداعى سپورت سارايىندا قازاقستان مەن اۆستراليا ايەلدەر قۇرامالارى كەزدەستى. ماچتا قازاقستاندىق سپورتشىلار 3:0 ەسەبىمەن جەڭىسكە جەتتى.
ال ەرلەر دوداسىندا قازاقستان مەن پاكىستان ءوزارا كۇش سىناستى. العاشقى سەتتە قازاقستاندىقتار 18:25 ەسەبىمەن جەڭىلىسكە ۇشىرادى. ءبىراق ءۇزىلىس كەزىندە ەس جيعان پاركەت يەلەرى قارسىلاستارىن 3:1 ەسەبىمەن تىزە بۇكتىردى.
20 مامىر كۇنى قازاقستاننىڭ ەرلەر جانە ايەلدەر قۇرامالارى جۇڭگو تايپەيىنىڭ قۇرامالارىمەن كەزدەسەدى.
