الماتى ق ر دەنساۋلىق ساقتاۋ مينيسترلىگىنىڭ پەدياتريا جانە بالالار حيرۋرگياسى عىلىمي ورتالىعىندا رەسەي ماماندارىنىڭ قاتىسۋىمەن كوزدىڭ قاتەرلى ىسىگى - رەتينوبلاستومانى ەمدەۋگە ارنالعان شەبەرلىك ساباعى وتەدى. بۇل تۋرالى پەدياتريا جانە بالالار حيرۋرگياسى عىلىمي ورتالىعىنىڭ باسپا ءسوز قىزمەتى ءمالىم ەتتى.
باسپا ءسوز مالىمەتتەرىنە قاراعاندا، بۇل بۇگىندە شەتەلدە ەمدەلۋدى قاجەت ەتىپ وتىرعان بالالار ءۇشىن تاپتىرماس مۇمكىندىك. شەبەرلىك ساباعىندا رەتينوبلاستوماعا شالدىققان بالالارعا سەلەكتيۆتى ينتراارتەريالدى حيميالىق تەراپيا (سياحت) جۇرگىزىلەدى.
پەدياتريا جانە بالالار حيرۋرگياسى عىلىمي ورتالىعى ماماندارىنىڭ ايتۋىنشا، رەتينوبلاستوماعا شالدىققان ناۋقاستاردى جەدەل ەمدەۋ شاراسى قازاقستاندا العاش رەت جۇزەگە اسىرىلماق.
«اتالعان وپەراسيا ءتۇرى بالالاردىڭ كوزدەرىن ساقتاپ قالۋعا مۇمكىندىك بەرەدى. وپەراسيانىڭ ەرەكشەلىگى دە وسىندا»-دەدى ماماندار. رەتينوبلاستوماعا شالدىققان ءتورت بالاعا وپەراسيا جاساۋ ءۇشىن رەسەيدەن ن.ن.بلوحين اتىنداعى ونكولوگيالىق ۇلتتىق مەديسينالىق زەرتتەۋ ورتالىعىنىڭ دارىگەرلەرى - انگيوحيرۋرگ ي.ا.تروفيموۆ جانە انەستەزيولوگ ل.ا.مارتىنوۆ ارنايى شاقىرىلعان.
بولاشاقتا ق ر دەنسالىق ساقتاۋ مينيسترلىگى بەكىتىپ جاتاتىن بولسا، رەسەيلىك ماماندار كورسەتكەن ءادىس پەدياتريا جانە بالالار حيرۋرگياسى ورتالىعىنىڭ تاجىريبەسىنە ەنگىزىلەتىن بولادى.
