الىپ شاھاردا قازاقستان رەگبي فەدەراسياسىنىڭ ءبىرىنشى پرەزيدەنتى تولەۋبەك ابدىقادىروۆتى ەسكە الۋعا ارنالاعان «التىن سوپاق» اتتى رەگبي 7-دەن قازاقستاننىڭ اشىق چەمپيوناتى اياقتالدى.

«اۆياتور» ستاديونىندا بالالار مەن جاسوسپىرىمدەر اراسىندا وتكەن ويىنداردىڭ ناتيجەسىندە ءوز جاستارى بويىنشا ۇلدار اراسىندا بجسمور-1 (تالدىقورعان)، وليمپ، تالدىقورعان كوماندالارى جەڭىمپاز اتانسا، قىزداردان ءبىرىنشى ورىنعا الماتى، وليمپ جانە استانا كوماندالارى يە بولدى.

«ويىننان العان اسەرىم تاماشا. فينالدا تالدىقورعاندىقتاردان ۇتىلىپ قالدىق. ەكىنشى ورىندا جامان ەمەس، بىلتىر التىن العان بولاتىنبىز. قارسىلاستارىمىز مىقتى بولدى، بىزگە اۋىزبىرشىلىك جەتىسپەدى دەپ ويلايمىن»، - دەپ ءوز ويىمەن ءبولىستى الماتى كومانداسىنىڭ ويىنشىسى رۋسلان شايمۋحامەتوۆ.

جەڭىمپازدار مەن جۇلدەگەرلەر كۋبوك، مەدال، ديپلومدارمەن، ال، ۇزدىك ويىنشىلار ارنايى سىيلىقتارمەن ماراپاتتالدى. ولار: ۇزدىك قورعاۋشىلار باحرام حالمەتوۆ (وقو)، داريعا امىربەكوۆا (استانا)؛ ۇزدىك ويىنشىلار الەكساندر گالۋشكين مەن الەنا دروبوۆسكايا (ەكەۋىدە الماتى)؛ ۇزدىك شابۋلشىلار ولەگ گۋسيەۆ (الماتى وبلىسى) پەن گۇلىم باحىتبەك (تالدىقورعان).

ايتا كەتەر جايت، بۇل چەمپيوناتقا ەلىمىزدىڭ ءار ايماعىنان جانە قىرعىزستان مەن وزبەكستاننان كەلگەن 38 كوماندا قاتىسقان بولاتىن. ولار حالىقارالىق رەگبي فەدەراسياسىنىڭ ەرەجەسىنە سايكەس (World rugby) ويىن وتكىزدى.