بيىل الماتىدا 9100 وقۋشى مەكتەپ بىتىرگەن. بۇل تۋرالى قالالىق ءبىلىم باسقارماسىنىڭ باسشىسى گۇلنار حودجابەرگەنوۆا ايتتى.

«2017-2018 جىلعى وقۋ جىلىنىڭ ۇبت ەرەكشەلىگى تەستى بۇدان بۇرىن تەك ورىس جانە قازاق تىلدەرىندە تاپسىرۋعا بولاتىن بولسا،  بيىل بالالار اعىلشىن تىلىندە تاپسىرۋعا مۇمكىندىك الدى. رەسپۋبليكا بويىنشا 250 تۇلەك اعىلشىن تىلىندە ۇبت تاپسىرۋعا نيەت ءبىلدىردى. الماتىدا 6 بالا تەستتى اعىلشىن تىلىندە تاپسىرادى»، - دەدى گۇلنار حودجابەرگەنوۆا نۇر وتان» پارتياسى بولىمشەسىنىڭ باسپا ءسوز ورتالىعىندا  بريفينگ بارىسىندا.

ونىڭ ايتۋىنشا، بيىل الماتىدا بارلىعى 9100 وقۋشى مەكتەپ بىتىرەدى. ولاردىڭ 7300ء-ى ۇبت تاپسىرۋعا ىنتا بىلدىرگەن.

قالعان تۇلەكتەر الىس-جاقىن شەتەل جوو-لارىن نەمەسە كوللەدجدەردە ءبىلىمىن جالعاستىرۋدى تاڭداعان.

باسقارما باسشىسىنىڭ ايتۋىنشا، بيىلعى ۇبت ەكى فورماتتا وتەدى. وقۋشىلار مەكتەپتە ءبىرىنشى قورىتىندى ەمتيحان تاپسىرسا، ەكىنشى كەزەڭدە جوو بازاسىندا ۇبت تاپسىرادى.

مەكتەپتەردەگى ەمتيحان 29 ماۋسىمدا الگەبرا، قازاقستان تاريحى، قازاق (ورىس) ءتىلى، تاڭداۋ بويىنشا 1 ءپان بويىنشا سىنعا تۇسەدى.

 «2004-2017 جىلدار ارالىعىندا ۇبت-عا  99،6 مىڭ تۇلەك قاتىسقان. ولاردىڭ 89،1 پايىزى  شەكتى بالل كورسەتكىشىن جيناعان. بىلتىر 5900 تۇلەك ۇبت تاپسىرسا، ولاردىڭ 97،3 پايىزى شەكتى بال جينادى. الماتى بويىنشا ورتا بال كورسەتكىشى 97،5»، - دەدى گۇلنار حودجابەرگەنوۆا.