الماتىدا ەلوردانىڭ 20 جىلدىعىنا وراي ۇيىمداستىرىلاتىن مەديا-كونكۋرس جەڭىمپازدارىنا 1 ملن تەڭگەدەن بەرىلەدى.
كونكۋرسقا جۋرناليستەردەن بولەك، فوتوگرافتار جانە الەۋمەتتىك جەلىدە جازبا جاريالايتىن بلوگەرلەر دە قاتىسا الادى. سونداي-اق، بۇگىندە قازنەتتە تانىمال بولعان ءازىل باعىتىنداعى بەينەجازبالاردىڭ اۆتورى - ۆاينەرلەرگە دە ب ا ق سىناۋعا مۇمكىندىك بار.
الماتى ىشكى ساياسات باسقارماسى باسشىسى ورىنباسارى قىزمەتىن اتقارۋشى ەركەبۇلان كەنجەبولاتوۆتىڭ ايتۋىنشا، جولدانعان جۇمىستار ءتۇپنۇسقا بولۋى ءتيىس. ال مازمۇنى استانانىڭ الەۋمەتتىك-ەكونوميكالىق دامۋىمەن باينالىستى بولۋى شارت.
«ومىرلىك سيپاتتارعا يە «ۆاين» اتالاتىن بەينەروليكتەرگە كازىرگى تاڭدا قازاقستاندىق جەلى قولدانۋشىلارىنىڭ قىزىعۋشىلىعى ارتقان. مۇنداي جانرداعى بەينە جازبالار ميلليونداعان قارالىمعا يە بولىپ جاتىر. مەدياونەردىڭ بۇل ءتۇرىنىڭ قانات جايىپ كەلە جاتقانىنا كوز جۇمىپ قاراي المادىق. سول سەبەپتى دە كونكۋرس اتالىمىنا «ۆايندى» قوستىق. جۇمىستار قازاق جانە ورىس تىلدەرىندە قابىلدانادى. ءبىر اتالىم جەڭىمپازى بىرنەشە ادام بولۋى دا مۇمكىن»، - دەدى ەركەبۇلان كەنجەبولاتوۆ.
قاتىسۋشىلاردىڭ ءوتىنىشى 15 ماۋسىمعا دەيىن قابىلدانادى. كونكۋرس ۇزدىك تەليەۆيزيالىق جوبا، راديو جۇمىسى، باسپا ءسوز بەتتەرىنە باسىلعان ۇزدىك ماقالا، الەۋمەتتىك جەلىلەردە جاريالانعان ۇزدىك جازبا، اقپارات اگەنتتىكتەرىندەگى ەڭ ۇزدىك جاريالانىم، ۇزدىك فوتوماتەريال جانە ۆاين اتالىمدارى بويىنشا وتەدى. جۇلدەگەرلەردىڭ ەسىمى اي سوڭىندا بەلگىلى بولادى.
جولدانعان جۇمىستار تانىمال مەدياتۇلعالار، مەدياحولدينگ باسشىلارى مەن رەداكتورلار تاراپىنان تالقىعا ءتۇسىپ، باعالانادى. نتك تەلەارناسىنىڭ اقپاراتتىق باعدارلامالار ديرەكتورى ءادىل ليان مەن ۆاينەر سەرىك ءشارىپ اتالاعان جوباعا قازىلىق ەتەتىندەرىن ءمالىم دەدى.
«سايىسقا قاتىسۋشى ءوز ماتەريالىن قانشالىقتى اشىپ كورسەتە العاندىعىن، شىعارماشىلىق ءتاسىلىن، ەشكىمدى قايتالامايتىن ءتۇپنۇسقا ەكەندىگىن تەكسەرەمىز. مەيلى ول 20 جىلدىق تاجىريبەسى بار جۋرناليست پە، ءوز قىزىعۋشىلىعىمەن ءتۇرلى قىزىقتى جازبالار جاريالايتىن نەمەسە كۇلكىلى بەينەجازبا تۇسىرەتىن ادام با، ماڭىزدى ەمەس، ماڭىزدىسى - كرەاتيۆكە تولى ءارى كاسىبي جاسالعان ماتەريال بولۋى كەرەك»، - دەدى سەرىك ءشارىپ.
