ۋكراينالىق «گولوس.ءدىتي» شوۋىنىڭ جەڭىمپازى، قازاقستاندىق جاس ءانشى دانەليا تولەشوۆا العاشقى كونسەرتىن اشىق اسپان استىندا وتكىزەدى.

بۇل كەشتە دانەليا 10-عا جۋىق ءان ورىندايدى. ونىڭ ىشىندە «گولوس.ءدىتي» جوباسىنان جانە اۆتورلىق اندەر جانە كاۆەرلەر بار. جاس ءانشى العاشقى كونسەرتىن تۋعان قالاسىندا وتكىزۋدى قالاعان ەكەن.

«بۇل جەردە مەنىڭ وتباسىم، تۋعاندارىم، دوستارىم بار. ءبىرىنشى قادامىمدى تۋعان قالاما  جانە جاقىندارىما ارنايمىن. بۇل - انام ەكەۋىمىزدىڭ يدەيامىز. الدىن الا كونسەرتتىڭ قالاي وتەتىنىن ەلەستەتىپ، باعدارلامانى جاسادىق. دايىندالىپ جۇرگەنىمىزگە ۇزاق ۋاقىت بولدى»، - دەدى دانەليا تولەشوۆا.

جاندى داۋىستا وتەتىن كەشتە حالىقارالىق كونكۋرستار مەن جوبالاردىڭ فيناليستەرى، دانەليانىڭ ءوزى وقيتىن «يۋنا» پروديۋسەرلىك ورتالىعىنىڭ دارىندى وقۋشىلارى ونەر كورسەتەدى. كەش جارتى ساعات كولەمىنە  جوسپارلانعان.  كەشتى «حوچۋ ك مەلادزە» جوباسىنىڭ ءفيناليسى فاريز مامەدوۆ جۇرگىزدى.

 «وسى كەش ارقىلى جانكۇيەرلەرىممەن كەزدەسۋدىڭ مۇمكىندىگى تۋىپ تۇر. بۇل مەن ءۇشىن ۇلكەن جاۋاپكەرشىلىك، مەنى كۇتكەن كورەرمەننىڭ كوڭىلىنەن شىعۋعا تىرىسامىن»، - دەدى دانەليا تولەشوۆا.

كونسەرت 27 مامىر كۇنى ساعات 18.00-دە «مەگا الما-اتا» ساۋدا، ويىن-ساۋىق ورتالىعىنىڭ امفيتەاترىندا وتەدى.