الماتىدا 18 مامىردا مۋزەيگە كەلۋشىلەردىڭ قىزىعۋشىلىعىن ارتتىرۋ ماقساتىندا «مۋزەي ءتۇنى» وتەدى.

تانىمدىق شارا 6 مۋزەيدە: الماتى مۋزەيى، د.ا. قونايەۆ مۋزەيى، ن.تىلەندييەۆتىڭ مەموريالدىق مۋزەيى، س.مۇقانوۆ پەن ع.مۇسىرەپوۆتىڭ ادەبي-مەموريالدىق مۋزەي كەشەنى، ىقىلاس اتىنداعى حالىق مۋزىكالىق اسپاپتار مۋزەيى جانە مۋلتيمەديالىق ءداستۇرلى مۋزىكا ورتالىعىندا وتەدى.

مۇندا كورمەلەر، شەبەرلىك ساباقتارى، كۆەست، بايقاۋلار، كونسەرتتىك باعدارلامالار، تەاترلاندىرىلعان قويىلىمدار كىرەتىن ارنايى مادەني-تانىمدىق شارالار ۇيىمداستىرىلادى. سونىمەن قاتار، كەلۋشىلەر نازارىنا «جاندى مۋزەي» ەكسپوزيسيالارى ۇسىنىلادى. مۋزەي تۇنىندە كەلۋشىلەر تاريحي وقيعالاردى، سول ءداۋىردىڭ كيىمدەرى مەن تۇرمىس تىرشىلىگى، ديىرمەن تارتۋ، كەلى ءتۇيۋ، بالانى بەسىككە سالۋ داستۇرلەرىن ينتەراكتيۆتى فورماتتا كورە الادى.