الماتىدا كوللەدج ستۋدەنتتەرى جەڭىس كۇنىنە وراي ارداگەرلەر الدىندا سوعىس تۋرالى اندەردى شىرقاپ، ساپ تۇزەپ ءوتتى. بۇل جايىندا قالالىق ءىىد باسپا ءسوز قىزمەتىمالىمدەدى.
«دينامو» ستاديونىندا وتكەن سالتاناتتى شاراعا مايدانگەرلەر، ينتەناسيوناليست جاۋىنگەرلەر، تىل ارداگەرلەرى شاقىرىلدى.
«نەگىزىنەن كوللەدجدىڭ 1-2 كۋرس ستۋدەنتتەرى قاتىستى. ولار تەك قانا ساپقا تۇرۋ ءتارتىبىن عانا كورسەتپەي، سول زامانداعى كيىم ۇلگىلەرىن دە پاش ەتتى. بۇل كيىمدەردى الماتى ءسان جانە ديزاين كوللەدجىنىڭ ستۋدەنتتەرى جاڭعىرتتى. اتالعان شارا جاستار اراسىندا پاتريوتتىق سەزىمدى وياتۋعا، ساربازداردىڭ رۋحىن ەسكە الۋعا، جەڭىس جولىندا جانىن قۇربان ەتكەن ازاماتتاردىڭ رۋحىنا تاعزىم ەتۋگە باعىتتالعان»، - دەدى قالالىق ءىىد جەرگىلىكتى پوليسيا قىزمەتىنىڭ جاسوسپىرىمدەر ءىسى بويىنشا ءبولىمىنىڭ باسشىسى لەيلا الىپبايەۆا.
مەملەكەتتىك ءانۇران ورىندالىپ بولعان سوڭ قاتىسۋشىلار ساپ تۇزەگەن كۇيى بىرنەشە اسكەري اندەردى شىرقادى.
كەلگەن ارداگەرلەر جاستارعا باتاسىن بەردى.
