الماتىدا پوليسيا قىزمەتكەرلەرى 100 ارداگەردىڭ ۇيىنە بارىپ، ولاردى جەڭىس كۇنى مەرەكەسىمەن قۇتتىقتادى.

ونىڭ ىشىندە 10 ۇوس ارداگەرى مەن 60 تىل ارداگەرى، 30 ۇوس ارداگەرىنىڭ وتباسى بار.

«بۇل ماڭىزدى مىندەت 8 اۋداننىڭ ىشكى ىستەر باسقارماسىنا تاپسىرىلدى. ينسپەكتورلار وعان تىڭعىلىقتى دايىندالدى. ولار ارداگەرلەرگە ەستەلىك رەتىندە جاۋىنگەر تاعامى سالىنعان قاپشىقتاردى سىيعا تارتىپ، وفيسەرلەر ءار كىرگەن ۇيدە ارداگەرلەرمەن قوسىلا ءان شىرقادى. نيەت بىلدىرگەن ارداگەرلەردى پوليسيا قىزمەتكەرلەرى 28 پانفيلوۆشىلار پاركىنە الىپ كەلىپ، ماڭگىلىك الاۋ جانىنا گۇل شوقتارىن قويدى. 9-مامىر - جەڭىس كۇنىن اتاپ ءوتۋ تەك ءداستۇر عانا ەمەس، سونىمەن قاتار بۇل كۇن ءبىز ءۇشىن قان توككەن اتا-بابالارىمىزعا دەگەن العىس بىلدىرەتىن كەز»، - دەدى قالالىق ءىىد كادرلىق جۇمىس ءبولىمى باسشىسىنىڭ ورىنباسارى ولجاس مىرزابەكوۆ.

سوعىس ارداگەرلەرى ءوز كەزەگىندە ءتارتىپ ساقشىلارىنىڭ ىقىلاس-قۇرمەتىنە العىسىن ءبىلدىردى.