الماتىدا سۇڭقار حالىقارالىق شاڭعى ءترامپلينى كەشەنىندە «حالىق بارىسى» ءتۋرنيرىنىڭ اشىلۋ سالتاناتى وتەدى.

ءقازىر اتالعان كەشەندە سالتاناتتى شاراعا قىزۋ دايىندىق ءجۇرىپ جاتىر.

اشىلۋ سالتاناتىندا وتاندىق ەسترادا جۇلدىزدارى «مۋزارتLIFE»، قايرات نۇرتاس، «وركەن»، مارجان اراپبايەۆا، «بوزتورعاي» بالالار قورى، ۇشقىن جامالبەك، نۇربولات ابدۋللين، ءابدىجاپپار ءالقوجا، ءمادينا ءسادۋاقاسوۆا، ق ر ۇقك شەكارا ۋچيليششەسىنىڭ كۋرسانتتارى ونەر كورسەتەدى.

كەش بارىسىندا شارشى توپ الدىندا ايقاسقا تۇسەتىن پالۋاندار شەرۋى بولادى.

رەسپۋبليكالىق ماسشتابتاعى مۇنداي تۋرنير قازاقستاندا ءبىرىنشى رەت وتكىزىلىپ وتىر.

وڭىرلەردەن كەلگەن 1 مىڭعا جۋىق پالۋان باس جۇلدە 10 ملن تەڭگە ءۇشىن ب ا ق سىناساتىن بولادى.

ەكىنشى ورىنعا تابان تىرەگەن سپورتشىعا - 5 ملن تەڭگە، ءۇشىنشى جانە ءتورتىنشى ورىندارعا 3 جانە 2 ملن تەڭگە بەرىلەتىن بولادى.

بەلدەسۋ  - ۇلتتىق سپورت ويىندارىنىڭ ەڭ كونە تۇرلەرىنىڭ ءبىرى. كۇرەستىڭ بۇل ءتۇرى وليمپيادالىق ەمەس سپورت ءتۇرى رەتىندە الەمدىك جەلىگە تىركەلگەن، يۋنەسكو تاراپىنان قولداۋعا يە.

«سايىسقا كەز-كەلگەن 18-50 جاس ارالىعىنداعى كەز-كەلگەن ەر ادام قاتىسا الادى. سالماق تۇرعىسىنان شەكتەۋ جوق. سايىس الدىندا بارلىق قاتىسۋشىلار مەديسينالىق باقىلاۋدان ءوتىپ، ساقتاندىرۋ قۇجاتتارىن تولتىرادى. پالۋاندار اۋماعى 5*5 مەتر بولاتىن  بولاتىن الاڭقايدا بەلدەسەدى. ءبىر ۋاقىتتا الاڭدا 16 جۇپ كۇرەسە الادى»، - دەدى سايىستىڭ باس تورەشىسى، «قازاق كۇرەسى» فەدەراسياسىنىڭ باس حاتشىسى باقداۋلەت ءسابيتوۆ.

مۇنىڭ الدىندا اتالعان سايىستىڭ تالاپتارى تۋرالى جازعان بولاتىنبىز.