ق ر مادەنيەت جانە سپورت ءمينيسترى ارىستانبەك مۇحامەدي ۇلى نيۋ-يوركتە وتكەن حالىقارالىق فوتوكورمەدە ۇزدىك فوتوتۋىندىلارى كورسەتىلگەن كاسىبي فوتوگرافتارعا سەرتيفيكات تابىس ەتتى.

ۆەدومستۆونىڭ حابارلاۋىنشا، ق ر مادەنيەت جانە سپورت مينيسترلىگىنىڭ قولداۋىمەن ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى مەن رەسپۋبليكالىق سپورت كوللەدجىنىڭ ۇيىمداستىرۋىمەن الماتى قالاسىنداعى مينيسترلىككە قاراستى ونەر وشاقتارىنىڭ اراسىندا فۋتبولدان جارىس ءوتىپ جاتىر. اتالعان فۋتبول مەرەكەسى اياسىندا «PHOTOfest.KZ» حالىقارالىق فوتوفەستيۆالى اياسىندا نيۋ-يورك قالاسىندا العاش رەت وتكەن «قازاقستان الەم فوتوگرافتارىنىڭ كوزىمەن» اتتى حالىقارالىق فوتوكورمەدە ۇزدىك فوتو تۋىندىلارى كورسەتىلگەنى ءۇشىن كاسىبي فوتوگرافتارعا ارىستانبەك مۇحامەدي ۇلى سەرتيفيكات تابىستاعان.

«ەڭ ۇزدىك فوتوگراف رەتىندە اسىلحان ءابدىرايىم ۇلى، ماقسات شاعىربايەۆ، التىنبەك قارتابايەۆ، سارسەنبەك قىزايبەك ۇلى، ءاعادىل رىسماحان، ەكپىن حاسەنجان، سامات مىرزالييەۆ، دوسجان بالابەك ۇلى، ماكسيم روجين، امانگەلدى مۋتيگۋللين، سەرىك مايەمەروۆ، جەڭىس ىسقاباي تانىلدى. ال بيىل فوتوفەستيۆال ەلوردانىڭ 20-جىلدىعىن مەرەكەلەۋ اياسىندا استانادا وتكەلى وتىر. ق ر مادەنيەت جانە سپورت مينيسترلىگىنىڭ قولداۋىمەن وتەتىن فوتوگرافتار شەرۋىنە الەمنىڭ ەڭ ۇزدىك دەگەن فوتو ماماندارى كەلۋى ءتيىس»، - دەپ حابارلايدى باسپا ءسوز قىزمەتىنەن.

الماتى قالاسىنداعى مينيسترلىككە قاراستى ونەر وشاقتارىنان بىرنەشە كوماندا فۋتبول تۋرنيرىنە قاتىستى. اتاپ ايتقاندا، مادەنيەت جانە سپورت مينيسترلىگى، ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى، م. لەرمونتوۆ اتىنداعى مەملەكەتتىك اكادەميالىق ورىس دراما تەاترى، كومەديا تەاترى، رەسپۋبليكالىق نەمىس دراما تەاترى، اباي اتىنداعى قازاق مەملەكەتتىك اكادەميالىق وپەرا جانە بالەت تەاترى، ت. جۇرگەنوۆ اتىنداعى قازاق ۇلتتىق ونەر اكادەمياسى جانە تاعى بىرنەشە كوماندالار ءوزارا ب ا ق سىناستى.