بۇگىن الماتىنىڭ بوستاندىق اۋدانىندا ازاماتتىق قورعانىستىڭ قالالىق جۇيەسىنىڭ دايىندىعىنا جانە تۇرعىنداردىڭ ءىس–ارەكەتىنە باعىتتالعان جوسپارلى سەيسميكالىق جاتتىعۋ ءوتتى. جاتتىعۋعا ازاماتتىق قورعانىستىڭ، توتەنشە جاعدايلار دەپارتامەنتىنىڭ بارلىق قىزمەتتەرى، مەديسينا جانە باسقا وقۋ ورىندارى قاتىستى.
ساعات 9:30-دا «بارلىقتارىڭىزدىڭ نازارلارىڭىزعا!، سيگنالى بەرىلدى، مەديا-سەرۆەر جاتتىعۋدىڭ باستالعاندىعى تۋرالى ۇقساس، سيفرلى جانە راديوكانالدى مالىمەتتەردى جىبەرمەي ۇستاپ تۇردى. حابارلاندىرۋمەن داۋىستاپ ايتاتىن سيگنالدى قوندىرعىلارى بار ءپاترۋلدى پوليسيا اۆتوموبيلدەرى اينالىستى.
تج قالالىق دەپارتامەنتى «بارلىقتارىڭىزدىڭ نازارلارىڭىزعا!» سيگنالى بەرىلىسىمەن ەلەكتروەنەرگيانى، گازدى جانە سۋدى جاۋىپ تاستاۋ كەرەكتىگىن ەسكەرتتى. قاجەتتى زاتتار، قۇجاتتار، ازىق-تۇلىك سالىنىپ، الدىن-الا دايىندالعان («توتەنشە چەمودان») سومكەمەن سىرتقا شىققان ءجون. اۋرۋ جانە سىرقات ادامدارعا كومەكتەسۋ قاجەت. كوپشىلىك جينالاتىن جەردەن اشىق نەمەسە ەرتە دايىندالعان ورىنعا بارۋ كەرەك. مۇنداي جاتتىعۋ مەگاپوليستە ايىنا ءبىر رەت وتەدى.
الماتى اكىمى توتەنشە جاعدايلار كەزىندە نە ىستەۋ كەرەكتىگىنەن مالىمەت بەرەتىن اقپاراتتىق ەسكەرتپەنى دايىنداپ، بارلىق تۇرعىن ۇيلەر مەن جارناما كونسترۋكسيالارىنا ورنالاستىرۋدى تاپسىردى.
«كەز-كەلگەن توتەنشە جاعداي بارىسىندا تەز ارادا دۇرىس ارەكەت جاساۋ قاجەتتىگىن اركىم ءبىلۋى ءتيىس. مۇنداي جۇمىستاردى تۇراقتى جۇرگىزگەن ءجون، اسىرەسە بالالار مەن جاستار اراسىندا»، - دەدى باۋىرجان بايبەك.
جاتتىعۋ بارىسىندا قالالىق قۇتقارۋ قىزمەتىنىڭ كۇشىمەن №93 جالپى ءبىلىم بەرەتىن مەكتەپ اينالاسىنا جىلجىمالى مەديسينالىق، سونىمەن قاتار ازىق-تۇلىكپەن، قاجەتتى زاتتارمەن قامتاماسىز ەتەتىن جىلجىمالى پۋنكتتەر بار پالاتالى قالاشىق ورنالاستى.
