الماتى اكىمى باۋىرجان بايبەك ەۆروپالىق رەكونسترۋكسيا مەن دامۋ بانكىنىڭ ءبىرىنشى ۆيسە-پرەزيدەنتى يۋرگەن ريگتەرينكپەن كەزدەستى. تاراپتار مەگاپوليستەگى ءىرى ينفراقۇرىلىمدىق جوبالاردى بىرىگىپ جۇزەگە اسىرۋ ماسەلەلەرىن تالقىلادى.
بۇگىنگى كۇنى ەردب ەكونوميكالىق رەفورمالاردى جۇزەگە اسىرۋ مەن ينفراقۇرىلىمدى دامىتۋدا ەلىمىزدىڭ جەتەكشى قارجى سەرىكتەسى بولىپ تابىلادى. يۋرگەن ريگتەرينك ءوزىنىڭ سوزىندە جرك جانە تەس-2 گازداندىرۋ سىندى جوبالاردىڭ بانكتىڭ الەۋمەتتىك جانە ەكونوميكالىق باعىتتاعى ستاندارتتارىنا ساي كەلەتىنىن ايتتى.
مەگاپوليس باسشىسى كولىك جۇيەسىن باسقارۋدىڭ الەمدىك جەتەكشىلەرىنىڭ بىرىنە اينالعان جانە قوعامدىق كولىكتى پايدالانۋدىڭ سيفرلى شەشىمدەرىنىڭ كەڭ سپەكترىن ۇسىناتىن فرانسۋزدىڭ «Transdev» كومپانياسى باسشىلىعىمەن دە كەزدەستى.
لاتىن امەريكاسى، وڭتۇستىك ەۆروپا، تاياۋ شىعىس پەن سولۇتستىك افريكاداعى «Transdev» توبىنىڭ پرەزيدەنتى برۋنو شارراد قالانىڭ كولىك رەفورماسىن جۇزەگە اسىرۋعا بەلسەندى تۇردە قاتىسۋعا جانە وسى ىستەگى ىنتىماقتاستىققا قىزىعۋشىلىق ءبىلدىردى.
