وتان قورعاۋشىلار كۇنى قارساڭىندا الماتىداعى «وڭتۇستىك» وڭىرلىك قولباسشىلىعىنىڭ ساربازدارى ماراپاتتالدى. باس-اياعى 60-تاي اسكەري قىزمەتكەرگە ءتۇرلى مەدالدار تابىستالدى. ماسەلەن، ىشكى ىستەر مينيسترلىگىنىڭ «ءمىنسىز قىزمەتى ءۇشىن» Iء-شى، IIء-شى جانە IIIء-شى دارەجەلى توسبەلگىلەرى 14 قىزمەتكەرگە، ۇلتتىق ۇلاننىڭ باس قولباسشى توسبەلگىسى قىزمەتتە ۇزدىك اتانعان بەس جاۋىنگەرگە بەرىلدى. سونداي-اق «قوعامدىق ءتارتىپتى ساقتاعانى ءۇشىن» توسبەلگىسىمەن ءتورت سارباز ماراپاتتالدى. وعان قوسا، جىل بويى تىنباي ەڭبەك ەتكەن ءۇش ادامعا ۇلتتىق ۇلان بەلگىسى بار قول ساعات تارتۋ ەتىلدى. ءار جىل سايىن مەرەكە قارساڭىندا رۋحتى كوتەرۋ ءۇشىن ماراپاتتاۋلار وتەدى، دەيدى اسكەريلەر.

«الدىمىزدا ۇلى جەڭىس مەيرامى جانە دە وتان قورعاۋشىلار كۇنى سوعان ارناپ، ماراپاتتاۋ بولىپ جاتىر بىزدە. اسكەري قىزمەتشىلەر دە، ونىڭ ىشىندە ءبىزدىڭ ارداگەرلەرىمىز بار. سول كىسىلەرگە ىشكى ىستەر مينيسترلىگىنىڭ جانە ۇلتتىق ۇلان باس قولباسشىسىنىڭ ماراپاتاۋى بولىپ جاتىر»، - دەدى «وڭتۇستىك» وڭىرلىك قولباسشىلىعى كادر ءبولىمىنىڭ باسشىسى نۇرماحان ورالبايەۆ.

ماراپاتتاۋ شاراسى الماتىداعى «باتىر» پرەزيدەنتتىك پولكى باسقارماسىندا دا جالعاستى. اسكەري بولىمدە مەرەيلى مەرەكە قارساڭىندا ەلەۋلى ەڭبەگىمەن كوزگە تۇسكەندەرگە توسبەلگى تابىستالدى. سونداي-اق مەدەۋ اۋدانى اكىمىنىڭ العىس حاتىمەن 20 شاقتى اسكەري قىزمەتكەرلەر ماراپاتتالدى. بۇگىن ەلباسىنىڭ جارلىعىمەن اسكەري ءبولىمنىڭ ءبىر ساربازى «ايبىن» وردەنىنە يە بولدى.

«ۇلى وتان سوعىسى ارداگەرلەرىنە  دەگەن قۇرمەت اسكەري قىزمەتشىلەردە ءاردايىم ۇلكەن دارەجەدە، جوعارى دەڭگەيدە. ول كىسىلەردىڭ ەڭبەكتەرىن باعالاپ، باتىرلىق قاسيەتتەرىن كورسەتۋ - ءبىزدىڭ باستى مىندەتىمىز بولىپ تابىلادى. ەلباسى نۇرسۇلتان ءابىش ۇلى نازاربايەۆتىڭ الدىندا ەلىمىزدىڭ، حالقىمىزدىڭ الدىندا مىندەتتەرىمىزدى جوعارى دەڭگەيدە اتقارۋ جانە جاۋىنگەرلىك دەڭگەيمىزدى ۇستاۋعا ءبىزدىڭ باستى مىندەتىمىز جانە بىزگە تىكەلەي قاتىستى»، - دەدى №0111 اسكەري ءبولىمىنىڭ «باتىر» پرەزيدەنتتىك پولكى باسقارماسى كادر ءبولىمىنىڭ باسشىسى تولەندى كاربوزوۆ.