بۇگىنگى كۇنى الماتىدا 4 مىڭداي ۇەۇ بار نەمەسە ولار بارلىق قازاقستاندىق قوعامدىق ۇيىمداردىڭ 20%-دان استامىن قۇرايدى. اتالعان قۇجاتتى قابىلداۋ ازاماتتىق قوعام، ءدىن سالالارى مەن جاستار اراسىندا ۇزدىك پراكتيكتەردى، مەملەكەتتىك ساياساتتى جۇزەگە اسىرۋدىڭ فورمالارىن مەن مەحانيزمدەرىن پرايدالانا وتىرىپ، ىنتىماقتاستىق مۇمكىندىگىن كەڭەيتۋگە ىقپال ەتەدى.

جيىن بارىسىندا باۋىرجان بايبەك الماتى اكىمدىگىنىڭ قالانىڭ قوعامدىق ۇيىمدارىمەن ىنتىماقتاستىقتى نىعايتۋ جونىندە ناقتىلى ۇسىنىسى بار ەكەنىن جانە ونى الەۋمەتتىك باستامالاردى قولداۋ ارقىلى ورىنداۋعا بولاتىندىعىن اتاپ ءوتتى. ول مۇنىڭ ديالوگ مادەنيەتى مەن جاۋاپكەرشىلىكتى ارتتىرۋداعى ماڭىزى شارت ەكەنىن ايتتى.

«اشىقتىق، ەسەپتىك جانە ازاماتتىق قوعامدى بارىنشا كەڭىنەن تارتۋ - ءبىزدىڭ جۇمىسىمىزدىڭ باستى قاعيدالارى. قازىرگى كەزدە بارلىق الەۋمەتتىك ماڭىزى بار جوبالار مەن شەشىمدەر قالانىڭ قوعامدىق كەڭەسىنەن ساراپتاماسىنان وتۋدە. مەگاپوليستى دامىتۋدىڭ «الماتى-2020» ستراتەگيالىق باعدارلاماسى العاش رەت قالا تۇرعىندارى اراسىندا كەڭىنەن قوعامدىق تالقىلاۋدان وتكەن سوڭ عانا قابىلداندى»، -دەدى مەگاپوليس اكىمى.

ءوز كەزەگىندە دارحان قالەتايەۆ جول كارتاسىندا ءبىرقاتار بىرىككەن شارالار وتكىزۋ قاراستىرىلعانىن ايتتى. ماسەلەن، الماتىدا ازاماتتىق ورتالىقتى اشۋ، ۇەۇ وكىلدەرىن ۇيرەتۋ ءۇشىن سەمينارلار وتكىزۋ جانە قالا ۋنيۆەرسيتەتتەرىنىڭ «U38» اليانسىمەن ىنتىماقتاستىق ورنىقتىرۋ جوسپارلانعان.

ءدىن سالاسىندا قالا يمامدارىنىڭ كاسىبي بىلىكتىلىگىن ارتىرۋ ءۇشىن كۋرستار، رەسپۋبليكالىق سەمينارلار مەن ترەنينگتەر وتكىزۋ، ءاقپاراتتىق-تۇسىندىرۋ ماتەريالدارىن جاساۋ جوسپارلانعان. جاستار ساياساتىن جۇزەگە اسىرۋ اياسىندا تمد مەملەكەتتەرى قاتىسۋشىلارى جاستارىنىڭ فورۋمىن جانە ەرىكتىلەردىڭ رەسپۋبليكالىق سلەتىن ۇيىمداستىرۋ بەلگىلەنگەن.