335 الماتىلىق مەملەكەتتىك باسقارۋ اكادەمياسىنان ءبىلىم الدى.

جىل باسىنان بەرى الماتىنىڭ 335 مەملەكەتتىك قىزمەتشىسى پرەزيدەنت جانىنداعى مەملەكەتتىك باسقارۋ اكادەمياسىنان ءبىلىم العان. بىلىكتىلىك ارتتىرۋعا جىل اياعىنا دەيىن تاعى 600-دەن استام قىزمەتشى كەلمەك. قايتا دايارلاۋ كۋرسىنان وتكەن ماماندارعا   جۇمىستا جەمقورلىققا جول بەرمەۋ جولدارى مەن ادەپ قاعيدالارى وقىتىلادى. سەبەبى، قۇقىقتارىن جەتىك بىلمەگەندىكتەن  كەيبىر قىزمەتشىلەر وزدەرىنىڭ تارتىپتىك كەڭەسكە سالىنىپ، زاڭسىز اكىمشىلىك جازاعا تارتىلىپ جاتقاندىقتارىن دا بىلمەي قالادى ەكەن. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وڭىرلىك ماماندارى بىلتىر جازىقسىز اكىمشىلىك جاۋاپكەرشىلىككە تارتىلعان 13 وقيعانى انىقتاپ، قىزمەتكەرلەردى اقتاپ العان. جالپى الماتىداعى 80-گە جۋىق مەملەكەتتىك مەكەمەدە بەس مىڭنان استام ادام شتاتتىق كەستەدە جۇمىس ىستەيدى.  

«باستى ماقساتىمىز - مەملەكەتتىك قىزمەتشىلەردىڭ  ادەپتى بولۋ جاعىن قاراستىرۋ. ونسىز كاسىبي مەملەكەتتىك اپپارات قۇرۋ مۇمكىن بولمايدى. وسى ماقساتتا تارتىپتىك ءىس قاراۋدى  مەملەكەتتىك قىزمەتشى  ءوزىنىڭ بويىنان وتكىزىپ، سول  وسىندا العان ءبىلىمىن  قىزمەتىندە پايدالانىپ، قۇقىق بۇزۋشىلىققا جول بەرمەۋدى نىعايتۋ»، - دەدى الماتى قالاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس قيمىل دەپارتامەنتىنىڭ باس مامانى  مارات دوسىمبەك.