حالىق جۇرەگىندەگى جاۋىنگەرلەر. الماتىنىڭ مەملەكەتتىك ورتالىق مۋزەيىندە ۇلى وتان سوعىسىنىڭ 73 جىلدىعىنا ارنالىپ قايىرىمدىلىق شاراسى ءوتتى. الماتىلىق جاستار تىل ارداگەرلەرىمەن كەزدەسىپ، اسكەري ءومىر تۋرالى اڭگىمە تىڭداۋعا مۇمكىندىك الدى. سونداي-اق وقۋشىلار «قازاقستان ۇلى وتان سوعىسى جىلدارىندا» ەكسپوزيسياسىمەن تانىستى. ماقسات - جاستاردى پاتريوتتىق رۋحتا تاربيەلەۋ. سەبەبى، ەلجاندى ۇرپاق قانا «ماڭگىلىك ەل» يدەياسىنىڭ مانىسىنە ءجىتى ۇڭىلەدى.

«ۇلكەن-كىشى بارلىعى ات سالىستى. اسكەر جاسىنداعىلار مايدانعا اتتاندى. ال ەندى ەڭبەك جاسىنداعىلار ەڭبەكپەنەن اينالىستى. مىسالى ءبىز سياقتى بالالاردىڭ وزدەرى ازداپ مەكتەپ ارقىلى ەڭبەككە ارالاستى»، - دەدى تىل ارداگەرى تولەۋباي جۇماسۇلتانوۆ.

الماتىداعى مەملەكەتتىك ورتالىق مۋزەيدە ۇلى جەڭىستىڭ 73 جىلدىعىنا وراي «حالىق جۇرەگىندەگى جاۋىنگەرلەر» قايىرىمدىلىق شاراسى وتكىزىلدى. تاعىلىمى مول كەزدەسۋگە الماتى قا­لاسىندا تۇراتىن سوعىس جانە تىل ار­داگەرلەرى قاتىسىپ، قاسىرەتتى كۇندەردىڭ اۋىر ەستەلىكتەرىن اڭگىمەلەدى.

شارانى اشقان مۋزەي ديرەك­تورىنىڭ ورىنباسارى بەيبىتقالي قاقابايەۆ جەڭىس كۇنىن جاس ۇرپاققا ۇلىقتاۋدىڭ تاربيەلىك ءمانى زور ەكەنىنە باسا ءمان بەردى. «جەڭىس كۇنى – جان اياماي ەلىن قورعاعان ەرجۇرەك باتىر­لا­رىمىزدى ەسكە الۋ مەرەكەسى. اساۋ ۋا­قىت تىزگىنىن اۋىزدىقتاي المايسىڭ – جىلدان-جىلعا ادامزاتتىڭ باسىنا الاپات قاسىرەت تۇسىرگەن زۇلمات سوعىس جايلى باياندايتىن ۇلى وتان سوعىسى ارداگەرلەرىنىڭ قاتارى سيرەپ بارادى. ارداگەرلەرمەن جۇزدەسۋ وسكەلەڭ ۇر­پاق­تىڭ ەلىمىزدىڭ وتكەن تاريحىن تەرەڭى­رەك زەردەلەۋىنە ىقپال ەتىپ، ولاردىڭ بويىندا ازاماتتىق سانا-سەزىم، قا­زاقستاندىق ءپوتريوتيزمدى قالىپ­تاستىرۋ، وتانسۇيگىشتىككە، قاشاندا ەل مۇددەسىنە قىزمەت ەتۋگە لايىق بولۋعا تاربيەلەپ، ارداگەرلەرگە قۇرمەت كور­سەتىپ، العىس سەزىمىن بىلدىرۋگە مۇمكىندىك بەرە­ءدى» دەدى ول. قالا مەكتەپتەرىنەن ارنايى كەلگەن بۇلدىرشىندەر قاريالارعا گۇل شوقتارىن ۇسىنىپ، جەڭىس كۇنىنە ارنالعان ولەڭدەرىن وقىدى. مەرەكەلىك شارا ۇلتتىق قاۋىپسىزدىك كوميتەتى شەكارا قىزمەتى اكادەمياسىنىڭ ساربازدارى، كورەي مادەني ورتالىعى، «اياجان» مەديسينا كوللەدجى ونەر­پازدارىنىڭ، م.لەرمونتوۆ اتىنداعى مەملەكەتتىك اكادەميالىق ورىس دراما تەاترى مەن ت.جۇرگەنوۆ اتىنداعى قازاق ۇلتتىق ونەر اكادەمياسى ارتيستەرىنىڭ ورىنداۋىنداعى مەرەكەلىك كونسەرتكە ۇلاستى. جاستاردى ەرلىك رۋحتا تاربيە­لەيتىن پاتريوتتىق اندەر شىرقالدى. سونداي-اق قايىرىمدىلىق ءىس-شاراعا دەمەۋشىلىك كورسەتكەن كاسىپورىندار ارداگەرلەرگە تولىمدى تارتۋ-تارالعى­لارىن ۇسىندى. قايىرىمدىلىق باعىتقا دەن قويعان شارا ۇيىمداس­تىرۋشىلارى مۇنداي جۇزدەسۋلەردى تەك مەرەكە كۇندەرى عانا ەمەس، ۇدايى وتكىزىپ تۇرۋعا نيەتتى ەكەندىكتەرىن ءبىلدىردى. كەزدەسۋگە كەلگەن مايدانگەرلەر مەن تىل ارداگەرلەرى وزدەرىنە كورسەتىلگەن سىي-قۇرمەتكە ريزاشىلىعىن ءبىلدىردى. سونىمەن بىرگە، جينالعان قوناقتار مۋزەيدەگى «قازاقستان ۇلى وتان سوعىسى جىلدارىندا» ەكسپوزيسياسىمەن كەڭىرەك تانىسىپ، جىلدار جىل­ناماسىنا، سۇراپىل سوعىس تاريحىنا ءبىر ءسات ۇڭىلگەندەي بولدى.