الماتىدا اسكەر قاتارىنا شاقىرتىلعان ساربازداردى سالتاناتپەن شىعارىپ سالدى.
الماتىدا اسكەر قاتارىنا شاقىرتىلعان ساربازداردى سالتاناتپەن شىعارىپ سالدى. وتان قورعاۋشىلار كۇنىمەن تۇسپا-تۇس كەلگەن شارادا اعا بۋىن وكىلدەرى بولسا، جاستارعا باتىر بابالاردىڭ ەرلىگىن ايتىپ، ۇلگى ەتتى. ال بارلاۋ بولىمشەسىنىڭ دەسانتتىق-شابۋىلداۋشى اسكەرلەرى جاۋىنگەرلىك قويىلىم كورسەتىپ، مەملەكەتتىك ۇرمەلى اسپاپتار وركەسترى پاتريوتتىق اندەردەن كونسەرت قويدى.
«1 جىلدىق ارمياعا وتان الدىنداعى بورىشىمىزدى وتەۋگە بارا جاتىرمىز. ءار ەر جىگىتتىڭ مىندەتى، ماقساتى دەپ ويلايمىن. وقۋ ورنىن ءبىتىرىپ، جاسىم 24-كە كەلسە دە ءوز بورىشىمدى وتەۋگە اتتانىپ بارا جاتىرمىن»، - دەدى ەرنار ەرعالي ۇلى.
«بۇگىن سونداي تاماشا كۇن. وتان قورعاۋشىلار كۇنىندە ءىنىمىزدى اسكەرگە شىعارىپ سالىپ تۇرمىز. ىنىمە جانە بارلىق ساربازدارعا اسكەري مىندەتىن ابىرويمەن اتقارىپ كەلسىن دەپ تىلەيمىن»، - دەدى گۇلنار ءادىلحانوۆا.
