اتاكەنت ايماعىنداعى پاۆيلوننىڭ ءبىرى وتكەن دەمالىس كۇندەرى ۇلكەن سپورت زالىنا اينالدى. 3500 شارشى مەتر بولاتىن اۋماق بىرنەشە بولىككە ءبولىنىپ، وندا سپورت تۇرلەرىنەن سايىستار ۇيىمداستىرىلدى. شاراعا نيەت ەتكەن ءاربىر قالا تۇرعىنى قاتىستى. كەلۋشىلەر قول كۇرەستىرىپ، ۆوركاۋتتا ب ا ق سىناپ كوردى. ءتىپتى، زۋمبا مەن سالسا بيلەرىنەن دە جارىستى. ايتا كەتسەك، سايىسقا كەز كەلگەن ادام تەگىن قاتىستى.  ال ەرەكشە بەلسەندىلىك تانىتىپ، كوزگە تۇسكەندەرگە سىيلىقتار تابىستالدى. سونداي-اق شارا كەزىندە سالاۋاتتى ءومىر سالتىن ۇستانۋشىلار تانىمال سپورتشىلاردىڭ شەبەرلىك ساعاتىنا قاتىستى. ولار ءوز كەزەگىندە جەتىستىكتەرىنىڭ قۇپياسى مەن جاتتىعۋداعى تەحنيكالىق ەرەكشەلىكتەرىمەن ءبولىستى. فەستيۆال قالا اكىمدىگىنىڭ قولداۋىمەن ءوتتى.

«شاراعا كەز كەلگەن ادامنىڭ تەگىن قاتىسۋىنا مۇمكىندىك بەردىك. ويتكەنى، سالاۋاتتى ءومىر سالتىن ۇستاۋدى دارىپتەگىمىز كەلەدى. اسىرەسە جاستارىمىز ىشىمدىك پەن ەسىرتكىدەن ادا بولىپ، سپورتقا بەت بۇرسا ءبىز ءوز ماقساتىمىزعا جەتكەنىمىز»،-دەدى الماتى قالاسى ءماسليحاتىنىڭ دەپۋتاتى كونستانتين اۆەرشين.