الماتىدا ساتىلىمداعى 22 مىڭنان استام توندا تاڭبالاۋ بەلگىلەرى جوق. بۇگىنگى كۇنى 139 كاسىپكەر تەرى بۇيىمدارىن باقىلاۋ كودىن الۋعا ءوتىنىش جولداپتى. بۇل پيلوتتىق جوبا وتكەن جىلى قولعا الىنعان. ال ەندى ەلگە جەتكىزىلەتىن بارلىق اڭ تەرىسىنەن تىگىلگەن سىرت كيىم مىندەتتى تۇردە تاڭبالاناتىن بولادى.

ساۋدا ورىندارىنداعى توندار مەن تەرى ونىمدەرىنەن تىگىلگەن كيىمدەردىڭ تۇرىنەن كوز سۇرىنەدى. باعالى كيىمنىڭ قاي اڭنىڭ تەرىسىنەن تىگىلگەنىن اجىراتۋ قيىن. ساۋداگەرلەر قويان تەرىسىن قۇندىزدىكى،-دەپ ساتىپ، تۇتىنۋشىلاردىڭ ءبىرازىن الداعان.  بۇدان بىلاي باعالى كيىمدەر تاڭبالاناتىندىقتان، ونداي ارەكەتكە جول بەرىلمەيدى.

«قىمبات باعاعا تون ساتىپ الىپ، قۇندىز تەرىسى،- دەپ سەنگەنى، كەيىننەن قويان تەرىسىنەن تىگىلگەنى انىقتالعانىن ءجيى ەستيتىنمىن. سودان كەيىن جالعانعا ۇرىنامىن با دەگەن كۇدىك بولاتىن. ال ەندى ولاردىڭ بارلىعى ءقازىر تاڭبالانىپ جاتىر. سول ارقىلى توننىڭ قانداي تەرىدەن تىگىلگەنىن، وندىرگەن مەملەكەتى مەن جەتكىزۋشىسى جونىندە اقپاراتتى تولىق الا الاسىڭ»،-دەدى اسەل كەنبايەۆا.

تەرى بۇيىمدارىن باقىلاۋ بەلگىسىن ورناتۋ بىلتىردان بەرى قولعا الىندى. پيلوتتىق جوبا كولەڭكەلى بيزنەستى جويىپ، تۇتىنۋشىلاردى الاياقتاردان قورعاۋعا مۇمكىندىك بەرەدى. 

«اڭ تەرىسىنەن تىگىلگەن بارلىق سىرت كيىمدەر تاڭبالانۋى ءتيىس. ال ەگەر كيىمنىڭ تەك جاعاسىنا، قالتاسىنا، ياعني تەك كەيبىر بولشەكتەرىنە عانا تىگىلگەن بولسا، وعان ارنايى بەلگى قويۋدىڭ قاجەتى جوق»،-دەدى الماتى قالاسى مەدەۋ اۋدانى مەملەكەتتىك كىرىستەر باسقارماسى باسشىسىنىڭ ورىنباسارى ءۋاليحان الىبەكوۆ.

قازىرگى تاڭدا الماتى قالاسى بويىنشا 22 مىڭ توندا تاڭبالاۋ بەلگىلەرى قويىلماعان. بۇل شاھارعا بۇعان دەيىن جەتكىزىلگەن تاۋاردىڭ سانى. بۇگىنگى كۇنى 139 كاسىپكەر تەرى بۇيىمدارىنا باقىلاۋ كودىن الۋعا ءوتىنىش بەرىپتى.