الماتىدا اعىلشىن ءتىلىن تەگىن ۇيرەتەتىن كۋرس اشىلادى.

الماتىدا «رۋحاني جاڭعىرۋ» باعدارلاماسى اياسىندا اعىلشىن ءتىلىن تەگىن ۇيرەتەتىن كۋرس باستالادى. وعان قاتىسۋ ءۇشىن الىستان ات تەرلەتىپ كەلۋدىڭ قاجەتى جوق - دەيدى جوبانى ۇيىمداستىرۋشى «U 38»ۋنيۆەرسيتەتتەر اليانسى. پروفەسسورلار كۋرستى ونلاين رەجيمدە جۇرگىزەدى ەكەن. سوندىقتان اعىلشىن ءتىلىن قازاقستاننىڭ كەز كەلگەن جەرىنەن ۇيرەنۋگە بولادى. قاتىسۋشىلار ءۇشىن 7 ساباق دايىندالعان. ياعني، ءتىل مەڭگەرۋشىلەر قالاعان ۋاقىتىندا كۋرسقا قوسىلىپ ءبىلىم الا الادى. ايتا كەتسەك، ونلاين كۋرس ءتىلدى جاڭادان ۇيرەنۋشىلەرگە ارنالماعان.

«ءبىر دەڭگەي كەرەك اعىلشىن تىلىندە. ونى ءبىز «Pre-Intermediate»دەيمىز. ياعني، ءسىز وسى دەڭگەيدە ءوزىڭىزدىڭ ويىڭىزدى جيناقتاي الاسىز. ءوزىڭىزدىڭ سوزدىك قورىڭىز بار. بۇل كۋرستىڭ ەرەكشەلىگى - ءسىز سول ويلارىڭىزدى دۇرىستاپ، مازمۇنداپ، اۋديتورياعا باعىتتاپ، لەكسيكالىق تۇرعىدان سونى دۇرىستاپ جەتكىزە الاتىن بولاسىز»،  - دەدى ابىلاي حان اتىنداعى قحق جانە ءات ۋنيۆەرسيتەتىنىڭ دوسەنتى پەريزات ەلۋبايەۆا.