الماتىنىڭ جاس ونەرپازدارى ناۋقاس بالالارعا كومەك كورسەتتى.
الماتىنىڭ جاس ونەرپازدارى ناۋقاس بالالارعا كومەك كورسەتتى. قالاداعى «بالداۋرەن» بالاباقشاسى قايىرىمدىلىق كونسەرتىن ۇيىمداستىردى. شارادان جينالعان قارجى «اقساي» رەسپۋبليكالىق كلينيكالىق بالالار اۋرۋحاناسىندا ەمدەلىپ جاتقان جەتكىنشەكتەردىڭ ەمىنە جۇمسالادى. ناۋرىزباي اۋدانى اكىمدىگىنىڭ قولداۋىمەن وتكەن «جۇرەكتەن جۇرەككە» كەشىنە اۋدانداعى ۇلى وتان سوعىسىنىڭ ارداگەرلەرى دە شاقىرىلعان.
«قايىرىمدىلىق كونسەرتتەن جينالعان قارجىنى «اقساي» اۋرۋحاناسىندا بۇيرەك اۋىستىرۋعا كەزەكتە تۇرعان 6 بالانىڭ ەمىنە جۇمسالادى. بۇل شارانى العاش رەت ۇيىمداستىرىپ وتىرمىز. باستى ماقسات - بالالاردىڭ بويىنا مەيىرباندىلىق، راقىمشىلىق جانە قايىرىمدىلىق سەزىمىن قالىپتاستىرۋ»، - دەدى ۇيىمداستىرۋشى اسەم قارشىعابەكوۆا.
