الماتىدا كوگىلدىر وتىن ساقتايتىن رەزەرۆۋارلار جاپپاي الىنىپ جاتىر.
الماتىدا 60 جىلدان بەرى تۇرعان كوگىلدىر وتىن ساقتايتىن رەزەرۆۋارلار جاپپاي الىنىپ جاتىر. ويتكەنى، تۇرعىندار گازدىڭ ورتاق جۇيەسىنە قوسىلعاندىقتان، ەسكى قۇرىلعىلار كەرەكسىز بولىپ قالعان. ونىڭ ۇستىنە، جەرگە كومىلگەن بوشكەلەردەن جازدا كوگىلدىر وتىننىڭ ءيسى شىعىپ، ادام ومىرىنە ءقاۋىپتى بولاتىن - دەيدى تۇرعىندار.
بۇل الماتىلىقتاردىڭ ءبىرى بىلسە، ەندى ءبىرى بىلمەيتىن گاز ساقتايتىن رەزەرۆۋارلار. ماسەلەن، المالى اۋدانىنداعى مىنا اۋلادا ونىڭ بىردەن ۇشەۋى جەر استىنا كومىلگەن. ويتكەنى، تۇرعىندار وسىعان دەيىن بوشكەلەردەن ۇيلەرىنە كوگىلدىر وتىن الىپ وتىرعان. ءارقايسىسىنىڭ كەم دەگەندە 60 جىلدىق تاريحى بار. ءقازىر قولدانىستان شىعىپ قالعان رەزەرۆۋارلاردى قالا اكىمدىگى جاپپاي الىپ، ال ورنىن كوگالداندىرىپ جاتىر.
«قازىرگى تاڭدا 60 گازگولدەر بولعان المالى اۋدانى بويىنشا. سول 60-تىڭ 15ء-ى قالىپ وتىر. 10 ماۋسىم ايىنا 10-ىنا دەيىن الىپ بىتەدى. الىنعان گازگولدەرلەردىڭ ورنىنا جاسىل گازون وتىرعىزىلادى جانە گۇل وتىرعىزىلادى. سول ساتىپ العان كومپانيا وزدەرىنىڭ كورىكتەندىرۋىن جاساپ كەتەدى»، - دەدى الماتى قالاسى المالى اۋداندىق كوممۋنالدىق شارۋاشىلىق ءبولىمىنىڭ باس مامانى داۋلەت ەشمۇراتوۆ.
ءقازىر كەرەكسىز بولىپ، ۇلكەن اۋماقتى الىپ جاتقان قۇرىلعىلاردىڭ ورنى قۇلپىراتىنىنا تۇرعىندار قۋانىشتى. ەندى مىنا اۋلاداعى 4 تۇرعىن ۇيدەگى 160-تاي پاتەردى گازبەن قامتىپ كەلگەن رەزەرۆۋاردىڭ بۇرىنعى جەرى ادام تانىماستاي وزگەرەدى. ءتىپتى، حالىق ءبىراز ۋاقىتتان بەرى اۋدان اكىمدىگىنە تاپسىرىپ بەرىپ، ەسكى رەزەرۆۋاردى الىپ تاستاۋدى ءوتىنىپتى.
«كوپ جىل بويى بىزدە سۇيىتىلعان گاز بولدى. ارينە، وتە قينالدىق. ول وتە قىمبات بولاتىن. ءبىتىپ قالاتىن. ءبىتىپ قالعان كەزدە كۇتىپ جۇرەتىن ەدىك. وتە ىڭعايسىز بولاتىن. گازگولدەردى ءقازىر الىپ تاستاپ جاتقاندىعى وتە ىڭعايلى بولدى. قانشاما ورىندى الىپ تۇردى. اراسىندا گاز شىعىپ تۇراتىن. ادام دەنساۋلىعىنا زيان بولاتىن»، - دەدى پيك ءتورايىمى سارا ساعىندىقوۆا.
ال الىنىپ قالعان رەزەرۆۋاردى گازبەن قامتىپ كەلگەن كومپانيالار ىسكە جاراتاتىن كورىنەدى. ايتا كەتەيىك، الماتىدا وسىنداي ەسكى جەر استىنا كومىلگەن باس-اياعى 300-دەي گاز ساقتايتىن بوشكە بار. ولار شامامەن 1966 جىلدارى ىسكە قوسىلىپ، قالا تولىقتاي تابيعي گازعا كوشكەن جىلى وشىرىلگەن.
پىكىر قالدىرۋ