«بيزنەستىڭ جول كارتاسى–2020»  مەملەكەتتىك باعدارلاماسى ەكى باعىتتا اتقارىلۋدا.

الماتى قالاسىنىڭ وڭىرلىك كوممۋ­نيكا­سيالار قىز­مەتىندە «دامۋ» كدق الماتى قالاسى في­ليالى ديرەك­تو­رىنىڭ ورىنبا­سارى ەدىگە ساۋلەبەك­ۇلى  مار­عۇلاننىڭ قاتىس­ۋى­مەن بري­فينگ ءوتتى.

ەدىگە ساۋلەبەك ۇلىنىڭ اقپاراتىن­شا، قازاقستاننىڭ شاعىن-ورتا بيز­نەسىنىڭ ساپالى تۇردە دامۋىنا ءجار­دەم­دەسۋ قوردىڭ ميسسياسى بولىپ تابىلادى.

«دامۋ» قورى ءوز ميسسياسىن جۇزەگە اسىرۋ ماقساتىندا دامۋدىڭ ەكى نەگىزگى ستراتەگيالىق باعىتتارى بويىنشا جۇمىس ىستەيدى:

1) ءىسىن جاڭا باستاعان جانە بيزنەسى بار كاسىپكەرلەردى قولداۋ:

2) قوردىڭ تۇراقتى ينستيتۋسيو­نالدىق دامۋى.

«دامۋ» كاسىپكەرلىكتى دامىتۋ قورىنىڭ الماتى قالاسى بويىنشا اۋماقتىق في­ليالى ءوز جۇمىسىن 2007 جىلى 1 ماۋسىم­نان باستا­عان بولاتىن. 2010 جىلدان باستاپ قور «بيزنەستىڭ جول كارتاسى–2020» مەملەكەتتىك باعدارلاما­سىنىڭ قارجىلىق اگەنتى جانە وپەرا­تورى بولدى. بۇل باعدارلا­مانىڭ باستا­ماشىسى ەلباسى ەكەنى بەلگىلى. باع­دار­لاما كاسىپكەر­لەردىڭ باستى ماسەلەلەرىن شەشۋگە ارنالعان. ولاردىڭ ءبىرى – نەسيەلەردىڭ قىم­باتتىعى  جانە كەپىل­دىكتىڭ جەتىسپەۋ­شىلىگى.

«بيزنەستىڭ جول كارتاسى – 2020» مەملە­كەتتىك باعدارلاماسى  ەكى باعىت­قا – قارجىلاي جانە قارجىلاي ەمەس قولداۋ بولىپ بولىنەدى.  قار­جىلاي قول­داۋعا پايىزدىق ءمول­شەرلەمەنى سۋبسي­ديالاۋ جاتادى، بۇل دەگەنىمىز بيۋدجەت­تەن وتەۋسىز نەگىزدە بەرىلەتىن نەسيە بويىنشا سىياقىنىڭ بولىگى.

«بيزنەستىڭ جول كارتاسى – 2020» – بيزنەستى قولداۋ مەن دامىتۋدىڭ ءبىرىڭعاي باعدارلا­ماسىنىڭ 2017 جىلعى 29 قاڭتارداعى №168 قاۋلى­سىنا سايكەس وزگەرىستەرى مەن تولىق­تىرۋ­لارىنا سايكەس،  سۋبسيديالاۋ ق ر ۇلتتىق بانكى بەلگىلەگەن بازالىق سىياقى مولشەر­لەمەسىنەن اسپاي­تىن، 5 (بەس) پايىزعا ۇلعايعان. مەملەكەت  وسى 5 پايىزدى قوسىپ، نەسيەنىڭ 40 پايىزىن  سۋبسي­ديالايدى، ال قالعان ايىرماسىن كاسىپكەر تولەيدى. بۇل  كرەديتتىك شارت­تار بويىنشا عانا جۇزەگە اسىرىلادى، ييدمب (گپپيير) بويىنشا وڭدەۋ ونەر­كاسىبىنىڭ باسىم سالالارىندا جانە كورسەتىلەتىن قىزمەتتەردىڭ جەكەلەگەن تۇرلەرىندە ءوز جوبالارىن ىسكە اسىراتىن جانە (نەمەسە) ىسكە اسىرۋدى جوسپارلاپ وتىرعان ءتيىمدى كاسىپكەرلەر ءۇشىن – 50% سۋبسيديا. سۋب­سيديالاۋ مەرزىمى 5 جىلعا دەيىن. پرولون­گاسياسىز.

ينۆەستيسيالارعا باعىتتالعان كرە­ديت­تىك شارتتارى بويىنشا سۋبسي­ديالاۋ مەرزىمىن ۇزارتۋ قۇقىعىنسىز 5 جىلدى قۇرايدى، – دەپ مالىمدەدى ەدىگە ساۋلەبەك ۇلى.