الماتىدا جۋرنالدارعا حالىقارالىق يندەكستەۋ كۋالىگى تاپسىرىلدى.

«عىلىم ورداسى» عيماراتىندا 4 بىردەي اكادەميالىق جۋرنال: «ق ر ۇعا xابارشىسى؛ ق ر ۇعا xابارلارى. حيميا جانە تەxنولوگيا سەرياسى؛ ق ر ۇعا xابارلارى. فيزيكا-ماتەماتيكا سەرياسى؛ ق ر ۇعا حابارلارى. گەولوگيا جانە تەحنيكالىق عىلىمدار سەرياسى» جۋرنالدارىنىڭ Clarivate Analytics (بۇرىنعى Thomson Reuters) حالىقارالىق مالىمەتتەر بازاسىندا يندەكستەۋ بويىنشا كۋالىكتى ق ر ۇعا-نا سالتاناتتى تاپسىرۋ ءراسىمى بولدى. سالتاناتتى جيىن اقش-تىڭ فيلادەلفيا قالاسىندا ورنالاسقان حالىقارالىق Clarivate Analytics كومپانياسىنىڭ تمد جانە رەسەي بويىنشا ديرەكتورى – ولەگ ۋتكيننىڭ قاتىسۋىمەن ءوتتى. 2016 جىلدىڭ 26 ماۋسىمىندا «ق ر ۇعا حابارلارى. گەولوگيا جانە تەحنيكالىق عىلىمدار سەرياسى» جۋرنالى حالىقارالىق Scopus مالىمەتتەر بازاسىنا ەنگەن بولاتىن. بۇل بەدەلدى حالىقارالىق دەرەكتەر بازاسىندا يندەكستەلگەن ورتالىق ازيا رەسپۋبليكالارىنىڭ عىلىم اكادەمياسىنىڭ اكادەميالىق باسىلىمدارى اراسىندا العاشقى عىلىمي جۋرنال. بيىل ول Clarivate Analytics دەرەكتەر بازاسىنا ەندى. 1946 جىلدان باستاپ ق ر ۇعا شىعاراتىن 8 عىلىمي جۋرنال (ق ر ۇعا باياندامالارى؛ ق ر ۇعا xابارشىسى؛ ق ر ۇعا xابارلارى. بيولوگيا جانە مەديسينا سەرياسى؛ ق ر ۇعا xابارلارى. فيزيكا-ماتەماتيكا سەرياسى؛ ق ر ۇعا حابارلارى. گەولوگيا جانە تەحنيكالىق عىلىمدار سەرياسى؛ ق ر ۇعا xابارلارى. حيميا جانە تەxنولوگيا سەرياسى؛ ق ر ۇعا xابارلارى. قوعامدىق جانە گۋمانيتارلىقعىلىمدار سەرياسى؛ ق ر ۇعا xابارلارى. اگرارلىق عىلىمدار سەرياسى) حح عاسىردىڭ 60-70 جىلدارى جوعارى رەيتينگتى عىلىمي جۋرنالداردىڭ حالىقارالىق رەەسترىنە ەنگەن جانە قازاقستان عىلىمنىڭ كەلبەتى بولىپ تابىلادى. 1960 جىلدان باستاپ ولار 73 شەت ەلدەردىڭ — اقش، ۇلىبريتانيا، گەرمانيا، فرانسيا، جاپونيا، وزگە دە ەلدەردىڭ ءىرى ۇلتتىق كىتاپحانالارىنا جىبەرىلىپ كەلەدى. بۇل جۋرنالدارعا حالىقارالىق رەيتينگ بەرۋ جانە ءىرى Clarivate Analytics كومپانياسىنىڭ دەرەكتەر بازاسىنا ەنگىزۋ جۋرنالداردى بۇكىلالەمدىك وقىرماندار اۋديتورياسىنا الىپ كەلەدى جانە دايەكسوز الۋ كورسەتكىشتەرىنە ايتارلىقتاي پايدا اكەلەدى، قازاقستاندىق عالىمدار، وقىتۋشىلار مەن ستۋدەنتتەرگە كوپتەگەن ماتەريالدار، ايماقتىق زەرتتەۋ اقپاراتتارى مەن پايدالى سىلتەمەلەرگە جول اشىپ، الەمدىك زەرتتەۋلەر سالاسىنداعى اعىمداعى بەتالىستاردىڭ تولىق بەينەسىن الۋعا مۇمكىندىك بەرەدى.