الماتى قالاسى المالى اۋدانىندا ۇلى وتان سوعىسى جەڭىسىنىڭ 73 جىلدىعىنا وراي سوعىس ارداگەرلەرىنىڭ قۇرمە­تىنە ارنالعان مەرەكەلىك ءىس-شارالار كەڭىنەن ۇيىمداستىرىپ، ارداگەر­لەرمەن كەزدەسۋلەر جۇرگىزىلدى.

وسىعان بايلانىستى، اۋداننىڭ دەنساۋلىق ساقتاۋ مەكەمەلەرىندە اشىق ەسىك كۇندەرى وتكىزىلدى. جوسپار بويىنشا ۇوس ارداگەرلە­رىنە جانە قارت ادامدارعا كەشەندى مەديسينالىق تەكسەرۋ مەن ستوما­تولوگيالىق كومەكتەر كورسەتىلدى.

اۋداننىڭ بارلىق مەكتەپتەرىندە سالتاناتتى شارالار، سىنىپتىق ساعاتتار، «شىن جۇرەكتەن» تاقىرىپتىق كەشتەر وتكىزىلدى. ودان بولەك، مۇمكىندىگى شەكتەۋلى ادامدار مەن جالعىز باستى قارتتارعا ۇيدە كومەك كورسەتۋگە باعىتتالعان «تيمۋرشىلار قوزعالىسى» بەلسەندى جۇرگىزىلدى.

بۇگىنگى تاڭدا المالى اۋدانىندا 77 ۇلى وتان سوعىس ارداگەرلەرى مەن مۇگەدەكتەرى،  3 سوعىستا قازا تاپقان ارداگەرلەردىڭ جەسىرلەرى، 17 ادام لەنينگراد بلوكاداسىنا قاتىس­قاندار، 14 نەمىس كونسلا­گەرىندە تۇتقىندا بولعاندار جانە 3177 تىل ەڭبەككەرلەرى تۇرادى.

سونىمەن قاتار، زەينەتكەرلىك جاستاعى ازاماتتاردىڭ ءومىر ءسۇرۋ دەڭگەيىن كوتەرۋ مەن قارت ادامدارعا قامقورلىق كورسەتۋ ماقساتىندا، № 4 كىتاپحانانىڭ ىرگەسىندە ارداگەرلەر مەن قارت­تارعا ارنالعان كومپيۋتەرلىك كۋرستار جانە ا.پ.چەحوۆ اتىن­داعى ورتالىق كىتاپحاناسىنىڭ ىرگەسىندە شاحمات كلۋبى  اشىل­دى.

وسى ورايدا «ريكسوس» قوناق­ۇيىندە المالى اۋدانى اكىمىنىڭ مەرەكەلىك قابىلداۋى وتكىزىلدى. وعان اۋدان ارداگەرلەرى، تىل ەڭبەككەرلەرى مەن دەربەس زەينەتكەرلەرى شاقىرى­لدى.

ءىس-شارانىڭ ماقساتى: «ارداگەرلەردى ارداقتايىق» — «س زابوتوي و ستارشەم پوكولەنيي» — جوباسىن ىسكە اسىرۋ ماقسا­تىندا جانە ارداگەرلەر مەن زەينەتكەرلەرگە قام­قورلىق كورسەتۋگە جانە قارتتاردىڭ قۇقىقتارىن قورعاۋعا، قوعامداعى ورنىن دارىپتەۋدى ناسيحاتتاۋعا باعىتتالعان.