پرەزيدەنتىمىز «100 ناقتى قادام – ۇلت جوسپارى» جانە بيىلعى جىلى قابىل­داعان  «ءتورتىنشى ونەركاسىپتىك ريەۆوليۋسيا جاع­دايىنداعى  دامۋدىڭ جاڭا مۇمكىن­دىكتەرى» اتتى جولداۋ­لا­رىندا اقپاراتتىق جۇيە­لەردى بىرىكتىرۋ، موبيلدىك سيفرلىق قوسىم­شالاردى قولدانۋ، ەلەكترون­دىق  دەنساۋ­لىق پاسپورتىن ەنگىزۋ، قاعاز قولدانبايتىن اۋرۋحاناعا كوشۋ  ارقىلى مەديسينالىق كومەك­تىك قولجەتىمدىلىگى مەن تيىمدىلىگىن ارتتىرۋ قاجەتتىلىگىن اتاپ ايتقان بولاتىن.  ەلباسىنىڭ بۇل تاپسىر­ماسى قازىرگى تاڭدا الماتى قالا­سىنداعى ەمدەۋ مەكەمەلەرىندە  قىزۋ قولداۋ تاۋىپ، قالانىڭ دەنساۋلىق ساقتاۋ سالالارى  ءبىرىڭعاي اقپارات­تىق  جۇيەگە كوشۋ جۇمىس­تارىن بەلسەن­دىلىكپەن قولعا الىپ،  اقپا­رات­تاندىرۋ جۇيەسىنە قاجەتتى قۇرال-جابدىقتاردى ورنالاستىرۋ ۇستىندە. بۇل  ءىس-شارا  المالى اۋدانىنا قاراستى №8 قالالىق ەمحانا ۇجى­مىندا دا ۇيىمشىل­دىقپەن قولعا الىنۋدا. الماتى قالاسى­نىڭ  «الما­تى –2020»  دامۋ باعدار­لاماسىنداعى «دەنى ساۋ قالا» باعىتىمەن  ۇندەسكەن بۇل يگى ءىستى جۇزەگە اسىرۋ ماقسا­تىندا   1 ميلليارد تەڭگە  ءبولىنىپ، 6 مىڭ  دانا كومپيۋتەر ساتىپ الىنعان بولا­تىن. قالالىق دەنساۋلىق ساقتاۋ باسقار­ماسى قازىرگى تاڭدا ءار ەمدەۋ مەكە­مەسىن ءتيىستى جابدىقتارمەن قامتا­ماسىز ەتىپ، ءبىرىڭعاي اقپارتتىق جۇيەلەرى  قۇرىلۋ ۇستىندە.

– ءقازىر دەنساۋلىق ساقتاۋ سالاسى بىرتىندەپ ەلەكتروندى جۇيەگە كوشە باستا­عانى بەلگىلى. ەلەكتروندى تىركەلۋ،  ەلەك­تروندى كەزەك، دارىگەرگە الدىن-الا جازى­لۋ،  دارىگەرلىك انىق­تامالاردى ەلەك­تروندى تۇردە بەرۋ جۇمىستارى بۇگىندە جاقسى جولعا قويىلعان. ال ەندى  دەنساۋ­لىق ساق­تاۋ سالاسى تولىق ءبىرىڭعاي اقپا­را­تتىق جۇيەگە كوشكەن كەزدە   قاعازسىز جۇمىس ىستەۋ مۇمكىن­دىگىنە يە بولامىز.  ول، ەڭ الدىمەن، دارىگەرلە­ءرىمىزدىڭ ەڭبەك ونىمدىلىگىن ارتتىرىپ، ناۋقاسقا جەتكىلىكتى كوڭىل بولۋىنە  مۇمكىندىك بەرەدى. ەمدەلۋ­ءشى ءۇشىن دە ءتيىمدى بولماق. ءار ناۋقاس ءوزىنىڭ جەكە كابينەتى نەمەسە «Damymed» جۇيە­ءسى ارقىلى الدىن-الا دارىگەردىڭ قابىلداۋىنا جازىلىپ، اقىل-كەڭەس الىپ، وزىنە تاعايىندالعان دارى-دارمەكتەر مەن ەمدىك شارالارىمەن تانىسىپ، ەڭبەككە جارامسىزدىعى جونىندەگى قاعازىنىڭ كوشىر­مەسىن دە  ەلەكتروندى ءتاسىل ارقىلى الاتىن بولادى.   بۇل جۇيەنىڭ تاعى ءبىر ارتىق­شىلى­عى –  ونداعى «بەيمازا نۇكتە»   جۇيەسى ارقىلى جۇكتى جانە بەس جاسقا دەيىنگى جاس بالالارى بار ايەلدەر كەز-كەلگەن  ۋاقىتتا وسى جۇيەگە حابارلاما جىبەرىپ، وزىنە جانە ءسابيىنىڭ دەنساۋ­لىعىنا بايلا­نىستى  قاجەتتى دارىگەرلىك كەڭەس الىپ، دارىگەرگە جولداما نەمەسە ونلاين دارىگەرلىك تاعايىنداۋ الۋلا­رىنا بولادى.  ءار ناۋقاستىڭ ەلەك­تروندى پاسپورتى جاسالادى. ول ارقىلى ناۋقاس ءوزىنىڭ دەنساۋلىعىن قاداعالاپ وتىرۋعا مۇمكىندىك الادى. بۇل   ءبىزدىڭ كوپتەن كۇتكەن جاڭالى­عىمىز ەدى. قولى قاعازدان بوساعان دارىگەرلەردىڭ ناۋقاس­پەن كوبىرەك جۇمىس ىستەۋلەرىنە، اۋرۋدىڭ سەبەپ-سالدارىن انىقتاۋعا مۇمكىندىكتەرى كوپ بولادى، – دەيدى №8 قالالىق ەمحا­نانىڭ باس دارىگەرى فاريدا اعىبايەۆا.

قالامىزداعى  دەنساۋلىق ساقتاۋ سالالارىنداعى   ءبىرىڭعاي اقپارات­تىق جۇيەگە كوشۋ جۇمىستارى قاراشا ايىندا  تولىق اياقتالىپ، كەلەر جىلدان باستاپ ەمحانالار تەك  ساندىق تەحنولو­گيالار نەگى­زىندە جۇمىس ىستەمەك.