م.اۋەزوۆ اتىنداعى اكادە­ميالىق دراما تەاترىندا قازاق­ستان جازۋشىلار وداعىنىڭ ۇيىم­داستىرۋىمەن جانە اكادەميالىق دراما تەاترىنىڭ قولداۋىمەن حالىقارالىق «الاش» ادەبي سىيلىعىنىڭ يەگەرى، اقىن ءارى جۋرناليست جاراس سارسەكتىڭ 50 جاسقا تولعان مەرەيتويىنا بايلا­نىستى «جانىڭدا ءجۇرمىن…» اتتى شىعارماشىلىق كەشى بولىپ ءوتتى.

ولەڭ ورنەگى، تىرشىلىك اۋانى، ءومىر دەرەكتەرىنەن قۇرىلعان سىر-سۇحباتتان تۇراتىن مادەني شارا ناعىز پوەزيا كەشىنە ۇلاستى. قازاقستان جازۋشىلار وداعى باسقارماسىنىڭ ءتوراعاسى ۇلىق­بەك ەسداۋلەت مەرەيتوي يەسىن قازاق قالامگەرلەرى اتىنان قۇت­تىق­تاپ، يىعىنا شاپان جاپتى. سونداي-اق، مادەنيەت جانە سپورت ءمينيسترى ارىستانبەك مۇحامە­دي­ۇلىنىڭ قۇتتىقتاۋىن رەسپۋب­لي­كالىق كىتاپ پالاتاسىنىڭ ديرەكتورى، جازۋشى الىبەك اسقاروۆ، اقپارات جانە كوممۋ­نيكاسيالار ءمينيسترى داۋرەن ابايەۆتىڭ قۇتتىقتاۋىن «قازاق گازەتتەرى» ج ش س ديرەكتورىنىڭ ورىنباسارى ءلاززات نوعايبايەۆا، الماتى وبلىسىنىڭ اكىمى امان­دىق باتالوۆتىڭ قۇتتىقتاۋىن وبلىستىق مادەنيەت جانە تىلدەردى دامىتۋ باسقارماسىنىڭ باسشى­سى اقان ءابدۋالى، الماتى قالا­سى­نىڭ اكىمى باۋىرجان بايبەك­ءتىڭ قۇتتىقتاۋىن اكىمنىڭ كەڭەس­ءشىسى ماماي احەت تابىس ەتتى. شى­عارماشىلىق ادەبي كەشتە جاراس سارسەكتىڭ ولەڭدەرىنە جازىلعان اندەردى ەلىمىزدىڭ تانىمال انشىلەرى ورىنداپ، ع.مۇسىرەپوۆ اتىنداعى بالالار مەن ءجاسوس­پىرىمدەر تەاترىنىڭ ارتىستەرى ولەڭدەرىن وقىدى. اقىن تۋرالى ارىپتەس زامانداستارى مەن دوستا­رى قۋاندىق تۇمەنباي، ابۋباكىر قايران، باقىت بەدەلحان، با­ۋىر­جان باباجان ۇلى، بەيبىت سارىباي، جاناربەك ءاشىمجان، وزگە دە قالامگەرلەر ەستەلىك اڭگى­مەلەر ايتىپ، ارناۋ ولەڭدەرىن وقىدى.

جاراس سارسەك –  1968 جىلى 15 مامىردا ۇيعىر اۋدانى، سۇمبە اۋىلىندا دۇنيەگە كەلگەن. ءقازمۋ-دى بىتىرگەن سوڭ «پاراسات» جۋرنالىندا، «جەتىسۋ» گازەتىندە، قازاقستان جازۋشىلار وداعىن­دا ادەبي كەڭەسشى بولىپ قىزمەت ەتتى. «كەرۋەن كوشىپ بارادى»،  «ءجۇ­رەگىمنىڭ ىشىندەگى جۇرەگىم»، وزگە دە ولەڭدەر جيناعىنىڭ اۆ­تورى.