تاۋەلسىز قازاقستاندا ۇلتتىق سپورت­تى دامىتۋ قولعا الىنىپ، ءبىرقاتار حالىقارالىق فەدەراسيالار قۇرىلعان. سولاردىڭ بىرەگەيى – قازاق كۇرەسى. بۇگىندە قازاق كۇرەسىنەن الەم، ازيا، حالىقارالىق بىرىنشىلىكتەرى وتكىزىلىپ تۇرادى. ەلدەگى قازاق كۇرەسى دودا­لا­رىنىڭ بەدەلى مەن جۇلدە قورى بويىنشا بيىك شىڭى – «قازاقستان بارىسى» ءتۋرنيرى.

ق ر پرەزيدەنتى جۇلدەسى ءۇشىن وتەتىن ءداستۇرلى دوداعا ەلدىڭ اۋدان، وبلىس، قالالارىندا ىرىكتەۋ جارىستارى وتەدى.

شاھار باسشىسى ب.بايبەك فەدەرا­سيا پرەزيدەنتى بولىپ تابىلاتىن الما­تىدا دا جىل سايىن «الماتى بارىسى» ءتۋرنيرى وتكىزىلىپ، سەگىز اۋداننىڭ  جەڭىمپازدارى كىلەمگە شىعادى.

قازاق كۇرەسىنەن بيىلعى «الماتى بارىسى – 2018» ءتۋرنيرى بالۋان شولاق اتىنداعى سپورت سارايىندا 1 مامىردا ءوتتى.

بوز كىلەمدە الماتىنىڭ 8 اۋدا­نىنان كەلگەن 24 بالۋان ءوزارا ب ا ق  سىناس­تى.

ايتۋلى دودانىڭ سالتاناتتى اشىلۋ راسىمىندە الماتى قالاسى دەنەشى­نىقتىرۋ جانە سپورت باسقارماسىنىڭ باسشىسى ءابىل دوڭبايەۆ قاتىسۋشىلارعا  ساتتىلىك  پەن جارقىن جەڭىس  تىلەدى.

– ەلباسى نۇرسۇلتان نازاربايەۆ «بولا­شاققا  باعدار: رۋحاني جاڭعىرۋ» اتتى قازاقستان حالقىنا ارناعان ماقالاسىندا «جاڭا تۇرپاتتى جاڭعىرۋدىڭ ەڭ باستى شارتى – ۇلتتىق كودىڭدى ساقتاي ءبىلۋ» دەگەن  بولاتىن. وسى قاعيدانى بەرىك ۇستان­عان مەملەكەتىمىز ادەپ-عۇرىپ، ءسالت-داستۇ­ءرىمىزدى دارىپتەپ، ۇلتتىق قۇندىلىقتارى­مىزدى جاڭعىرتۋ جولىندا قولدا بار مۇمكىندىكتىڭ ءبارىن جاساۋ ۇستىندە. بۇگىندە، قازاق كۇرەسى ەلىمىزدەگى سپورت تۇرلەرىنىڭ حالقىمىزعا كەڭىنەن تانىمال، ەل ءسۇيسىنىپ تاماشالايتىن، ناعىز تەكتى كۇرەس  ءتۇرى. ال «الماتى بارىسى»  ءتۋرنيرى – قالا تۇرعىندارى مەن قوناقتارىنا، جالپى سپورت سۇيەر قاۋىمعا تارتۋ ەتىلگەن ەرەك­شە سىي، ءداستۇرلى سپورتتىق  مەرەكە، – دەپ اتاپ ءوتتى.

بيىل تۇركسىب اۋدانىنىڭ وكىلى داۋرەن نۇرالينوۆ «الماتى بارىسى-2018» اتاندى. بايراقتى باسەكەنىڭ اقتىق مارەسىندە ول مەدەۋ اۋدانىنان كەلگەن بىلتىرعى چەمپيون  رۋسلان ابدرا­زاقوۆتى (132 كەلى) جەڭدى. جەڭىمپازدىڭ ءوزى 122 كەلى سالماقپەن بوز كىلەمگە شىق­قان. فينال شىن مانىندە «الىپتار ايقاسى» بولدى.

– مەن ءتۋرنيردى ۇتىپ، الداعى «قازاق­ستان بارىسىندا» الماتى نامىسىن قورعايتىنىما قۋانىشتىمىن. پرەزيدەنت ءجۇل­دەسى – «قازاقستان بارىسىندا» جەڭىسكە ۇمتىلاتىن بولامىن، – دەيدى چەمپيون داۋرەن نۇرالينوۆ.

ءۇشىنشى ورىن – قولا بەلبەۋدى تۇركسىب اۋدانىنىڭ بالۋانى جايدار سايلاۋبايەۆ پەن ەلدار ناسييەۆ (الاتاۋ اۋدانى) ساراپقا سالدى. بۇل بەلدەسۋدە جەڭىسكە جايدار سايلاۋبايەۆ جەتتى. ول قولا بەلبەۋ مەن 100 مىڭ تەڭگەنى قانجىعاسىنا  بايلادى.

تۋرنير چەمپيونىنا «لادا پريورا» كولىگىنىڭ كىلتى مەن التىن بەلبەۋ، ەكىنشى ورىن يەگەرىنە 300 مىڭ تەڭگە كولەمىندەگى اقشالاي سىيلىق پەن كۇمىس بەلبەۋ تابىستالدى. ەندى ولار «قازاق­ستان بارىسى–2018» تۋرنيرىندە الماتى­نىڭ نامىسىن قورعايتىن  بولادى.

«الماتى بارىسى» — الماتى قالا­سىنىڭ دەنەشىنىقتىرۋ جانە سپورت باسقارماسىنىڭ ۇيىمداستىرۋىمەن وتەتىن داستۇرگە اينالعان بوز كىلەم دوداسى. «سپورتتىق الماتى» باعدار­لاماسى اياسىنداعى ءتۋرنيردىڭ باستى ماقساتى – قالا تۇرعىندارىنىڭ ارا­سىندا قازاق كۇرەسىن دامىتىپ، سالاۋات­تى ءومىر سالتىن  ناسيحاتتاۋ.