«اتاكەنت» كەشەنىندە كۇش قولدانىلاتىن سپورت تۇرلەرىنەن «سپورتتىق ليگا» فەستي­ءۆالى ءوتتى. وسىمەن ءۇشىنشى رەت ءوتىپ جاتقان جارىس قالامىزدىڭ يگى داستۇرىنە اينالىپ ۇلگەردى.  جارىستار سپورتتى دامىتۋعا جانە قالا تۇرعىندارىن جاڭا سپورتتىق باعىت­تارمەن تانىستىرۋعا باعىتتالعان. فەستي­ۆال  الماتى قالاسى اكىمدىگىنىڭ تىكەلەي قولداۋىمەن ءوتتى.

فەستيۆال بارلىق سپورت تۇرلەرىن بىرىك­ءتىرىپ، كەز-كەلگەن ادامعا چەمپيون اتانۋعا مۇمكىندىك بەرەدى.

سالاۋاتتىلىقتى سەرىك ەتكەن قاتىسۋ­شىلار 3500 شارشى مەتر اۋماقتا بارلىق ارمرەستلينگ، كروسسفيت، ۆوركاۋت، سترونگ مەن جانە باسقا دا كۇش قولدانىلاتىن سپورت تۇرلەرىنەن ب ا ق سىناسىپ، ءوزارا مىقتىنى انىقتادى.

سپورتتىق شارا ۇيىمداستىرۋ­شىلارى­نىڭ ءبىرى — «مەن الماتىلىقپىن»  قوعامدىق  بىرلەستىگى. ال بۇل ۇيىمنىڭ جەتەكشىسى كون­ستانتين اۆەرشين «ۇلتتىق سپورت تۇرلەرىن دە ۇلىقتاۋعا تىرىسۋدامىز، كەلەسى جىلى اسىق اتۋدان دا جارىس وتكىزۋ جوسپاردا بار» دەگەن بولاتىن.

– وسى جىلى قالا اكىمدىگى بىزگە بارىنشا قولداۋ كورسەتتى، ولارعا دەگەن العىسىمىز شەكسىز. بۇل جولعى ءبىزدىڭ ۇران «وزىڭنەن باستا» بولدى. ءبىز كاسىپقوي سپورتقا كوپ كوڭىل بولمەي، تىلەك بىلدەرگەندەردىڭ بارلى­عىن قاتىستىرۋدى شەشتىك. ياعني كەز-كەلگەن ادام كەلىپ، سايىسقا تۇسۋگە  مۇمكىندىك الدى. قاي سپورت ءتۇرى ەكەنى ماڭىزدى ەمەس، كروسسفيت، ارمرەستلينگ نەمەسە بي بولسىن، ەڭ باستىسى، سپورتپەن شۇعىلدانىپ، دۇرىس، دەنى ساۋ قاۋىممەن بىرگە بولۋ. ءار جىل سايىن قاتىسۋشىلار سانى ءوسىپ كەلەدى، كەلەسى جىلى بۇدان دا كوپ بولادى دەگەن سەنىمدەمىن، – دەيدى  كونستانتين اۆەرشين.

ۇيىمداستىرۋشىلاردىڭ ايتۋىنشا، وزگە مەملەكەتتەردىڭ الەمگە ايگىلى سپورت­شىلارى مۇنداي شارالارعا قولداۋ كورسە­ءتىپ، جىل سايىن قوناققا كەلەدى. وسى جىلى رەسەيدەن الەمنىڭ ۇزدىك بەستىگىنە كىرەتىن ەڭ مىقتى ادام ميحايل شيۆلياكوۆ جانە ارمرەستلينگتەن رەسەي چەمپيونى ۆاسيليي كۋزنەسوۆ فەستيۆالگە قاتىستى. وتكەن جىلى قۇرمەتتى قوناق قاتارىندا ميحايل كوكليايەۆ، ال 2016 جىلى الەم چەمپيونى، حالىقارالىق دارەجەدەگى سپورتشى، بودي­بيلدەر رامزەس تلياكودۋگوۆ كەلگەن بولاتىن.

ايتا كەتەر ءجايت، فەستيۆال اياسىندا ارمرەستلينگتەن كاسىپقويلار اراسىنداعى قازاقستان چەمپيوناتى ءوتتى، ونىڭ بارلىق سالماق ساناتتارىنداعى جەڭىمپازدارى  الەم چەمپيوناتىندا ەل نامىسىن قورعاي­دى.