مەگاپوليستە «قالالار ءجۇر­گىن­شىلەر ءۇشىن» قاعي­داسى اياسىندا  ۇزىندىعى 30 شاقىرىم بولاتىن جاڭا اياقجولدى جوندەۋ مەن سالۋ جۇمىستارى باستالدى. جاياۋ جۇرگىن­شىلەر جولدا­رىن رەتكە كەلتىرۋ جۇمىس­تارى شاھاردىڭ 157 كوشە­ءسىن جوندەۋ كەزىندە دە جال­عا­سىن تاپپاق.

كوشە-جول جۇيەلەرىن جوندەۋ كەزىندە  بۇزىلعان ارىق ناۋالارى اۋىستىرىلىپ، ايماق كوگالدان­دىرىلادى. قوزعالىستى تەجەمەي، كولىك اعىمىن رەتتەۋ ماقساتىندا تەك جيەكتەگى تۇراقتاردىڭ  قالتا­لارى عانا اباتتاندىرىلادى. جاياۋ جۇرگىنشىلەر جولىنىڭ قاۋىپسىزدىگىن ارتتىرۋ ءۇشىن كوشە­لەردەن كىرۋ جولدارى تارىلتى­لادى. بۇدان وزگە، مەگاپوليس باس­شىسىنىڭ تاپسىر­ماسى بويىن­شا  جاياۋ جۇرگىنشىلەر قوزعالىسىن قيىنداتاتىن قۇرىلىس نىسان­دارى بار اياقجولدار انىقتالۋدا.

بۇگىندە تۇركسىب اۋدانى اۋما­عىندا ستاحانوۆ كوشەسى مەن پاريج كوممۋنا­سىندا، شىم­كەنت پەن بۋدەننىي كوشەلە­ءرىنىڭ بولىگىندە جاڭا اياقجولدار پايدا بولدى. اۋەزوۆ اۋدانى بويىنشا №6 جانە №8 ىقشاماۋ­داندا­رىنىڭ بىرنەشە اۋلاسى­نىڭ ىشىندە جاياۋ جۇرگىنشىلەر جولى پايدا­لانۋعا بەرىلدى. ال بوس­تاندىق اۋدانى بويىنشا دۋنا­ەۆ­سكيي كوشەسى بويىمەن جارو­كوۆ پەن حودجانوۆ كوشەلەرى اراسىن­داعى اياقجولدار ىسكە قوسىلدى. وسى سەكىلدى جۇمىستار الداعى ۋاقىتتا قالانىڭ بارلىق اۋداندارىندا جۇرگىزىلەتىن بولادى.

ايتا كەتەيىك، ەكىنشى جىلعا جالعاسىپ جاتقان قالانى جاڭ­عىرتۋ اياسىندا بيىلعى جازدا ءبىرقاتار نەگىزگى داڭعىلدار جاڭا­رادى. ينجەنەرلىك ينفراقۇ­رىلىمدى جەتىل­ءدىرۋ ماقساتىندا 12 شاقىرىمنان استام جىلۋ جەلىسىن اۋىستىرۋ جوسپارلانعان. سونى­مەن قاتار، بۇرىننان جا­ڭار­عان  455 اۋلا الاڭىنا قوسا، تاعى 585 اۋلا جوندە­لەدى.