الماتى قالاسى ءبىلىم باس­قار­ماسىنىڭ «وقۋشىلار سارايى»  اكىمشىلىگىنىڭ ۇيىمداستىر­ۋىمەن  «جىگىت سۇلتانى» بايقاۋى ءوتتى. ۇيىمداس­تىرۋ­شىلار بۇل جولعى سايىستى «رۋحاني جاڭعىرۋ» باعدار­لاماسىمەن ساباقتاستىردى.

اتا سالتىن ارداقتايتىن، ءوز ەلىن سۇيەر ناعىز قازاق جىگىتىنىڭ قاسيەتتەرىن بويىنا سىڭىرە بىلەر ۇرپاقتى تاربيەلەۋدە  ماڭىزى زور بۇل بايقاۋ جىگىتتەردى  قاناتتان­دى­رىپ، ونەرىنىڭ شىڭدال­ۋىنا ۇلكەن ۇلەسىن تيگىزدى.  ەڭبەكپەن قاتار قوعامدىق شارالارعا بەلسەن­ءدى­لىك­پەن اتسالىسقان جىگىتتەر جان-جاقتىلىعىمەن كوپشىلىكتى ءتانتى ەتتى. «ومىرگە اركىمنىڭ-اق بار تا­لاسى» دەگەندەي، ءار قاتىسۋشى جەڭىس جو­لىن­دا شىداپ باقتى.  سايىستا شار­شى توپتىڭ الدىنا شىعىپ  توسىل­عاندار دا بولدى، ارىنى قاتتى اقىن­دار دا بولدى. ءوز ونەرىن كورسەتۋدە وزگەلەردەن ەرەك بولعان الاتاۋ اۋدانى №178 ليسەيدىڭ  8-سىنىپ وقۋشىسى جالا­لادين ءابدىراسىل باس جۇلدەنى يەلەن­ءدى.

وسى سىندى سايىستار ۇلى دالا ۇلاندارىنىڭ تالابىنىڭ شىڭدال­ۋىنا زور اسەر ەتىپ جاتىر. جاس­تاردى قاناتتاندىراتىن بايقاۋلار  وتكىزىلىپ تۇرسا، الەم توقتاۋسىز دامىپ جاتقان زاماندا ەلىن سۇيەتىن قۇرىشتاي مىقتى ازاماتتار  كوبەيە­ءتىنى ءسوزسىز.