«ورلەۋ» بىلىكتىلىكتى ارتتىرۋ ۇلتتىق ورتالىعى» اق-نىڭ فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىندا، «ورلەۋدىڭ» 2018–2022 جىلدارعا ارنالعان «تۋعان جەر. تۋعان ەل. تۋعان گلوبال» رەسپۋبليكالىق جوباسى اياسىندا «ۇشتىلدىلىك – ۇلتتىق سانانى قالىپتاستىرۋ جانە رۋحاني جاڭعىرۋ» اتتى ءپان مۇعالىمدەرىنە ارنالعان رەسپۋبليكالىق «دوڭگەلەك ۇستەل» بولىپ ءوتتى.
ءبىلىم بەرۋ ۇيىمدارىندا ۇشتىلدىلىكتى ەنگىزۋ ماسەلەلەرى بويىنشا سىندارلى پروبلەمالاردى تالقىلاۋ جانە تاجىريبە الماسۋ ماقساتىندا ۇيىمداستىرىلعان ونلاين رەجيمىندەگى ءىس-شاراعا جالپى ورتا ءبىلىم بەرۋ ۇيىمدارىنىڭ باسشىلارى مەن ءپان مۇعالىمدەرى، «ورلەۋ» باۇو» اق فيليالدارىنىڭ ديرەكتورلارى، پق باي كافەدرالارىنىڭ وقىتۋشىلارى جانە ءبولىم قىزمەتكەرلەرى، الماتى قالالىق ءبىلىم باسقارماسىنىڭ وكىلدەرى قاتىستى.
جينالعاندار الدىندا ءسوز العان «ءورلەۋ» باۇو» اق فيليالى الماتى قالاسى بويىنشا پق باي ديرەكتورى، پ.ع.د. ر.سادۋاقاسوۆا بۇل جيىننىڭ وزەكتىلىگىنە، بىرلەسكەن شەشىمدەردى ىزدەستىرۋ قاجەتتىلىگىنە، ءمۇعالىمنىڭ كاسىبي قۇزىرەتتىلىگىن جەتىلءدىرۋدىڭ ماڭىزدىلىعىنا توقتالدى.
«دوڭگەلەك ۇستەل» باسىندا حيميا، بيولوگيا، فيزيكا پاندەرىن اعىلشىن تىلىندە وقىتۋدى ەنگىزۋ، سونداي-اق، وقىتۋ قازاق ءتىلدى ەمەس مەكتەپتەردە «قازاقستان تاريحى» ءپانىن قازاق تىلىندە جانە قازاق تىلىندە وقىتاتىن مەكتەپتەردە «دۇنيە ءجۇزى تاريحىن» ورىس تىلىندە وقىتۋ تاجىريبەسى تالقىلاندى.
الماتى قالالىق ءبىلىم باسقارماسىنىڭ جالپى ورتا ءبىلىم بەرۋ ءبولىمىنىڭ باس مامانى قارلىعاش ءابدىماناپوۆا الماتىدا 8-سىنىپ وقۋشىلارىنىڭ اعىلشىن تىلىندە جاراتىلىستانۋ-ماتەماتيكالىق پاندەردى يگەرۋى بويىنشا 27 پيلوتتىق مەكتەپ جۇمىس ىستەۋدى باستاپ كەتكەنىنە توقتالدى. ال و.جاندوسوۆ اتىنداعى №105 گيمنازيا ديرەكتورى ءاليا ساندىقبايەۆا پەداگوگيكالىق ۇجىمنىڭ كوپتىلدى ءبىلىم بەرۋدى دامىتۋ جاعدايىنداعى مەنەدجمەنت جانە مونيتورينگ ەرەكشەلىكتەرى تۋرالى ايتتى. №34 گيمنازيا ديرەكتورى زاۋرەش بەيسەمبايەۆا ءۇشتىلدى ءبىلىم بەرۋدى ەنگىزۋ جاعدايىندا سەمينارلار، كوۋچينگتەر ارقىلى ءمۇعالىمنىڭ كاسىبي قۇزىرەتتىلىگىن جەتىلدىرۋدىڭ قىر-سىرىمەن ءبولىستى.
