بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگتە «دامۋ» كدق الماتى قالاسى فيليالى ديرەكتورىنىڭ ورىنباسارى ەدىگە مارعۇلان باياندادى.
سپيكەردىڭ مالىمەتىنشە، بىرىككەن ۇلتتار ۇيىمىنىڭ دامۋ باعدارلاماسى تومەن كومىرتەكتى جوبالاردى ىسكە اسىرۋ ءۇشىن نەسيەلىك پايىزدىق مولشەرلەمەنى سۋبسيديالاۋ تۇرىندە قولداۋ كورسەتەدى، اتاپ ايتقاندا، جوبانىڭ قارجىلىق كورسەتكىشتەرىن جاقسارتۋ جانە ونى وتەۋ مەرزىمىن قىسقارتۋ ءۇشىن بانكتىك نەسيە مولشەرىنىڭ 10% -ىن جابۋ.
سونداي-اق، قور «نۇرلى جەر» تۇرعىن ءۇي قۇرىلىسى باعدارلاماسى بويىنشا نەسيە بويىنشا پايىزدىق مولشەرلەمەنىڭ سۋبسيديالاۋ تۇرىندە قولداۋ كورسەتەدى، ياعني، قۇرىلىسشىلارعا نەسيە بويىنشا سىياقى مولشەرلەمەسىنىڭ جىلدىق 7% -ىن سۋبسيديالايدى. ەكىنشى دەڭگەيدەگى بانكتەر (ەدب) جەكە كاسىپكەرلىك سۋبەكتىلەرىنە (جەكە قۇرىلىس سالۋشىلارعا) قازاقستان رەسپۋبليكاسى ۇلتتىق بانكىنىڭ بازالىق ستاۆكاسىنىڭ دەڭگەيىنەن 5% -دان اسپايتىن سىياقى مولشەرلەمەسى بويىنشا نەسيە بەرەدى، سۋبسيديالاۋ تۋرالى شەشىم قابىلدانعان كەزدە ارەكەت ەتەدى. سۋبسيديالاۋ جەكە كاسىپكەرلىك سۋبەكتىسىنىڭ قارىزدارى بويىنشا سىياقى مولشەرلەمەسىنىڭ جىلدىق 7% -ىن «دامۋ» قورى ارقىلى رەسپۋبليكالىق بيۋدجەت ەسەبىنەن وتەيدى.
قارىز الۋشى ءۇشىن مىندەتتى شارتتار:
- نەسيە مەرزىمى –36 ايعا دەيىن؛
- نەسيەنى ماقساتى ىسكە اسىرۋ - جوبانىڭ قۇرىلىسى؛
- نەسيە ۆاليۋتاسى– تەڭگە.
سۋبسيديالاۋدىڭ ماكسيمالدى مەرزىمى 36 ايعا دەيىن ۇزارتۋسىز.
سۋبسيديالار قولدانىستاعى تۇرعىن ۇيلەردى قالپىنا كەلتىرۋ نەمەسە قالپىنا كەلتىرۋدى قوسپاعاندا، «41.20.1 تۇرعىن ۇيلەردى سالۋ» وكەب-عا سايكەس ءوز قىزمەتىن جۇزەگە اسىراتىن قارىز الۋشىلاردىڭ جاڭا قارىزدارى ءۇشىن قاراستىرىلعان.
وتكەن جىلى تۇرعىن ءۇي قۇرىلىسى بويىنشا ەكى جوبا ماقۇلداندى.
- «تيمۋس Construction» ج ش س – 14 كوپ قاباتتى عيماراتتىڭ قۇرىلىسى. ناۋرىزباي اۋدانى شۋگيلا اۋدانى، ساتۋ اۋدانى 55 348،56 شارشى مەتر، پاتەرلەر سانى 994
- «پاسيفيك گرۋپپ» ج ش س - الاتاۋ اۋدانىندا «الماتى» كوپ پاتەرلى تۇرعىن ءۇي كەشەنىنىڭ 6-7 ساتىسى قۇرىلىسى، پاتەرلەر سانى 572
بۇگىنگى كۇنى وڭىرلىك ۇلەستىرۋ كەڭەسى تاعى ەكى كومپانيانىڭ جوباسىن ماقۇلدادى:
- «تۇرعىن ءۇي قاراسى» ج ش س - الاتاۋ اۋدانىڭدا، ، مكر.كاراسۋ جاقتا، جەكە 7 تۇرعىن ءۇي-قۇرىلىسىن قۇرىلىسى.
- «نوۆ-ەك» ج ش س - اۋەزوۆ اۋدانىنداعى «اديەت» كوپ فۋنكسيونالدى تۇرعىن كەشەن قۇرىلىسى.
كاسىپكەرلەرگە قىزمەت كورسەتۋ ورتالىعىندا، 1 توقساندا 326 ادامعا كەڭەستىك قىزمەت كورسەتىلدى، ەكىنشى دەڭگەيدەگى بانكتەرگە دەيىن 102 جوبا قارجىلاندىرىلدى، ولار مەملەكەت تاراپىنان قارجىلىق قولداۋ الدى، - دەپ ءسوزىن قورىتىندىلادى ەدىگە ساۋلەبەك ۇلى.
