وڭتۇستىك قازاقستان وبلىسىنىڭ اۋماقتارىن كوركەيتۋ، كوگالداندىرۋ جانە سانيتارلىق تازالاۋ جونىندەگى ءىس-شارالاردى وتكىزۋ تۋرالى وبلىس اكىمىنىڭ №53 قاۋلىسىنا سايكەس، ماقتارال اۋدانىندا بىرنەشە اپتادان بەرى سانيتارلىق تازالىق جۇمىستارى مەن سەنبىلىكتەر وتكىزىلۋدە.

بۇگىن اۋدان اكىمى جامانتاي بەيسەنبايەۆتىڭ باستاماسىمەن "ماقتارال - تازالىق ايناسى" اتتى جاپپاي سەنبىلىك ۇيىمداستىرىلىپ، اۋداندى اباتتاندىرۋ جۇمىستارى جالعاسىن تاپتى.

سەنبىلىككە بارشا قالا، كەنت، اۋىلدىق وكرۋگتەردەن 8 مىڭنان اسا ادام جانە 32 تەحنيكا قاتىسىپ، 421 توننا رەتسىز كۇل-قوقىس شىعارىلدى. 83 شاقىرىم كوشەنىڭ بويلارى، 22 شاقىرىم اياقجولدار تازالانىپ، رەتكە كەلتىرىلدى. سونىمەن قاتار، 9 بالالار الاڭشالارى، 8 سپورت الاڭشالارى مەن 11 اۆتوبۋس ايالدامالارى اكتەلىپ، سىرلاندى.

ودان بولەك، 110 كوپقاباتتى ۇيلەردىڭ اۋماقتارى مەن كىرەبەرىستەرى، 2671 شارشى مەتر ءۇي ىرگەلىك اۋلالارى رەتكە كەلتىرىلسە، 1،775 شاقىرىمدى قۇرايتىن يرريگاسيالىق جۇيەلەر قوقىستان ارىلدى.

ايتا كەتەيىك، بۇگىنگى تازالىق جۇمىستارىنىڭ ارقاسىندا اۋداننىڭ 18 جەرىندە بەرەكەتسىز جاتقان كۇل-قوقىستار جويىلىپ، 8543 دانا تالدار اكتەلدى. سونداي-اق، 0،675 گەكتار ساياباق، 0،125 گەكتار سكۆەرلەر، 21 شاقىرىم كانالدار مەن كوپىرلەر تازالاندى.