27 مامىر كۇنى 30 جاستاعى ايەل ازاماتتىق نەكەدەگى كۇيەۋىن جانجال ۇستىندە باۋىزداپ ولتىرگەن، دەپ حابارلايدى Qamshy.kz اقپارات اگەنتتىگى سولتۇستىك قازاقستان وبلىسى ءىىد باسپا ءسوز قىزمەتىنە سىلتەمە جاساپ.
بەيرەسمي دەرەكتەرگە سۇيەنسەك، ەر ادام ايەلىنە سپيرتتىك ىشىمدىك ساتىپ الۋعا اقشا بەرۋدەن باس تارتقان. اشۋعا بۋلىققان ايەلى قولىنا تۇسكەن سۋىق قارۋمەن ازاماتتىق نەكەدەگى كۇيەۋىن بىرنەشە جەردەن پىشاقتاعان. العان جاراقاتتارىنىڭ اسەرىنەن ەر ادام وقيعا ورنىندا جان تاپسىرعان. جەرگىلىكتى پوليسيانىڭ مالىمەتىنشە، قازىرگى تاڭدا كىسى ءولتىرۋ فاكتىسى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
«وتكەن جەكسەنبىدە پەتروپاۆل قالاسىندا "ادام ءولتىرۋ" فاكتىسىمەن 30 جاستاعى ايەل ادام ۇستالدى. ول ءوزىنىڭ ازاماتتىق نەكەدەگى كۇيەۋىن پىشاقپەن جارالاپ، باۋىزداپ ولتىرگەن. قازىرگى تاڭدا ق ر قىلمىستىق كودەكسىنىڭ 99-بابىنىڭ 1-بولىگىنە سايكەس سوتقا دەيىنگى تەرگەۋ امالدارى جۇرگىزىلىپ جاتىر"، - دەدى سولتۇستىك قازاقستان وبلىسى ءىىد باسپا ءسوز حاتشىسى دينارا ساعىندىقوۆا.
