Golden Boy Promotions پروموۋتەر كومپانياسىنىڭ پرەزيدەنتى ەريك گومەس مەكسيكالىق بوكسشى «كانەلو» الۆارەسكە (49-1-2، 34 كو) جاڭا قارسىلاس ىزدەپ جاتقانىن مالىمدەدى، دەپ حابارلايدى ۆaq.kz اقپارات اگەنتتىگى sports.kz باسىلىمىنا سىلتەمە جاساپ.
تاڭەرتەڭ «كانەلو» ءۇشىن گولوۆكينمەن ريەۆانش وزەكتى بولعان. ءبىراق قازاقستاندىق بوكسشىنىڭ كومانداسى كەلىسىمشارتتىڭ تالاپتارىن قايتا قارايمىز دەگەننەن كەيىن «كانەلو» دا شەشىمىن وزگەرتتى.
«قازىرگى ۋاقىت بويىنشا ايتسام، جەكپە-جەك جوق. ەگەر دۇيسەنبى تاڭەرتەڭ سۇراعاندارىڭىزدا، وندا كەلىسىمگە قول قويۋعا از قالدى، تەك كەيبىر دەتالدى كەلىسۋ كەرەك دەر ەدىم. ءبىراق ولار جۇلدە قوردى تەڭ قىلىپ ءبولۋ تۋرالى ۇسىنىس ايتتى. سودان سوڭ ءبىز بۇل ريەۆانشتان باس تارتتىق. ەندى باسقا قارسىلاس ىزدەپ جاتىرمىز»، - دەدى گومەس ESPN Deportes سايتىنا بەرگەن سۇحباتىندا.
«كانەلو» الۆارەستىڭ جەكپە-جەگى 15 قىركۇيەككە جوسپارلانعان.«ءساۋلدىڭ تاڭداۋى كوپ. دەنيەل دجەيكوبس پەن بيللي دجو سوندەرس، جەرمالل چارلو جانە داۆيد لەمو، سونداي-اق سپايك و’سالليۆان بار. گولوۆكيننىڭ دە تاڭداۋى جوعارى. ول مىندەتتى ۇمىتكەرمەن دە بوكستاسا الادى. مىسالعا كاسىپقوي رينگتە 12 جەكپە-جەك وتكىزگەن سەرگەي دەريەۆيانچەنكو. بوكستاسقىسى كەلسە، ەشكىم تانىمايتىن جىگىتپەن بوكستاسسىن. ءبىراق ءبىز ولاردى كۇتىپ وتىرمايمىز»، - دەپ قورىتىندىلادى ەريك.
