وڭتۇستىك قازاقستان وبلىسىندا بيىل 780،2 مىڭ شارشى مەتر تۇرعىن ءۇي ەل يگىلىنە بەرىلەدى. 2018 جىلدىڭ 4 ايدىڭ قورىتىندىسى بويىنشا 296،3 مىڭ شارشى مەتر تۇرعىن ءۇي، ياعني 2844 پاتەر پايدالانۋعا تاپسىرىلدى. بۇل وتكەن جىلدىڭ وسى مەرزىمىمەن سالىستىرعاندا 143،5 پايىزعا ۇلعايعاندىعىن كورسەتەدى. بۇل تۋرالى وبلىس اكىمى جانسەيىت تۇيمەبايەۆ سارىاعاش اۋدانىنا جاساعان ساپارى كەزىندە ايتتى.

ماسەلەن، سارىاعاش اۋدانىندا وتكەن جىلى 19،9 مىڭ شارشى مەتر تۇرعىن ءۇي تاپسىرىلعان. ال اعىمداعى جىلدىڭ 1 مامىرداعى قورىتىندىسى بويىنشا 7،780 شارشى مەتر تۇرعىن ءۇي ەل يگىلىگىنە بەرىلدى.

وبلىس اكىمى جانسەيىت تۇيمەبايەۆ سارىاعاش اۋدانىنداعى ساپارى كەزىندە قاپلانبەك وقۋ-تاجىريبە شارۋاشىلىعى اۋماعىنداعى 5 قاباتتى 585 پاتەرلى «نۇرلى جەر» باعدارلاماسىمەن سالىنىپ جاتقان 13 تۇرعىن ءۇيدىڭ قۇرىلىسىمەن تانىستى. مەردىگەر مەكەمە - «ىنتىماك بەس-ارىس» ج ش س. جوبانىڭ قۇنى - 407 ملن تەڭگە. اعىمداعى جىلى قۇرىلىسى باستالعان 13 تۇرعىن ءۇي 2019 جىلى تولىق پايدالانۋعا بەرىلەتىن بولادى. ءوڭىر باسشىسى جانسەيىت قانسەيىت ۇلى تۇرعىن ۇيلەردىڭ ساپاسىنا كوبىرەك كوڭىل ءبولىپ، قۇرىلىس جۇمىستارىن ۋاقىتىلى اياقتاۋ قاجەتتىگىن تاپسىردى. «قازىرگى تاڭدا جاڭا سارىاعاش بوي كوتەرىپ كەلەدى.

قۇرىلىسى باستالعان 45 پاتەرلى 13 تۇرعىن ءۇي اياقتالسا، 585 وتباسى باسپانالى بولادى. مۇنداي جاعداي سوڭعى 45 جىلدا بولماعان. بۇل دەگەنىمىز - ەلباسىمىزدىڭ حالقىنا دەگەن قامقورلىعى، ەلدىڭ مەرەيى. سونداي-اق، تۇرعىن ۇيلەردى سالۋ بارىسىندا اۋىز سۋ، گاز، ەلەكتر، جىلۋ، جول جانە اباتتاندىرۋ جۇمىستارى سىندى بارلىق ينفراقۇرىلىم ماسەلەلەرىنە شەشىمىن تاباتىن بولادى. اسىرەسە، اۋدان باسشىلىعىنا كارىز جۇيەسىنىڭ شەشىمىن تابۋدى تاپسىرامىن»، - دەدى ج.تۇيمەبايەۆ.

 بۇدان بولەك، وبلىس اكىمى جوسپاردان تىس سارىاعاش قالالىق حالىققا قىزمەت كورسەتۋ ورتالىعىنا باردى. ونداعى كورسەتىلىپ جاتقان قىزمەتتەرمەن تانىستى. سونداي-اق، سول ماڭداعى زاڭسىز قۇرىلىستاردى سىنعا الدى. ساپاسى سىن كوتەرمەيتىن نىسانداردىڭ قالا كوركىنە كەرى اسەرىن تيگىزىپ جاتقاندىعىن ايتتى.

سونىمەن قاتار، اۋدانداعى ساپارى بارىسىندا ءوڭىر باسشىسى قاپلانبەك كەدەن بەكەتى ايماعىنا توقتادى. ونداعى توزىعى جەتكەن نىساندار مەن زاڭسىز ساۋدا نۇكتەلەرىن رەتكە كەلتىرىپ، كەدەن ماڭىن اباتتاندىرۋدىڭ قاجەتتىگىن ايتتى.

«سارىاعاش وزگە ەلمەن شەكارالاس جاتقان جەر. تەاتر – كيىم ىلگىشتەن باستالادى دەگەندەي، وزبەكستان ەلىنەن كەلگەن قوناقتار اۋدانعا قاراپ ەلدى تانيدى. سوندىقتان ەكونوميكانى، ءتۋريزمدى دامىتامىز دەسەك، ەڭ اۋەلى بەت-پەردەمىز بولىپ تابىلاتىن وڭىرلەرىمىزدى كوركەيتۋىمىز كەرەك»، - دەدى جانسەيىت قانسەيىت ۇلى.

ايتا كەتەيىك، اۋدان باسشىسى قايرات ابدۋالييەۆكە جوعارىدا اتالعان كەمشىلىكتەردى رەتتەپ، قورىتىندىسىن بايانداۋ قاجەتتىگى تاپسىرىلدى.