وڭتۇستىك قازاقستان وبلىسىنىڭ تۇرعىندارى ەلباسىنىڭ سالاۋاتتى ءومىر سالتىن ۇستانۋعا ۇندەيتىن جوباسىن قولدايدى. بۇل جايىندا Qamshy.kz اقپارات اگەنتتىگى وڭتۇستىك قازاقستان وبلىسى اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.
شىمكەنت قالاسىندا رەسپۋبليكالىق «چاللەندج! سەنىڭ جاڭا قىرىڭ!» اتتى سپورتتىق اكسياسى بولىپ ءوتتى. ءبىرىنشى رەت وتكىزىلىپ وتىرعان بۇل يگى باستاما پرەزيدەنتىمىز نۇرسۇلتان ءابىش ۇلى نازاربايەۆتىڭ تىكەلەي قولداۋىنا يە بولىپ، بۇگىن ەلىمىزدىڭ بارشا وڭىرلەرىن قامتۋدا.
سپورتتىق ءىس-شاراعا دا اتاقتى سپورت ساڭلاقتارى مەن ستۋدەنتتەر، سپورتتىق مەكتەپتەر جانە قالا تۇرعىندارى قاتىستى. ولاردىڭ بۇل باستاماسى بارشا وڭتۇستىكقازاقستاندىقتارعا ونەگە - ۇلگى بولماق.
اكسيانى تەلەكوپىر ارقىلى استانا قالاسىنان ەلىمىزدىڭ مادەنيەت جانە سپورت ءمينيسترى ارىستانبەك مۇحامەدي ۇلى اشىپ بەرىپ، بارشا قازاقستاندىقتاردى سالاۋاتتى ءومىر سالتىن ۇستانۋعا ۇندەيتىن سپورتتىق شارانى قولداۋعا شاقىردى.
بۇگىندە 700 مىڭعا جۋىق ادام سالاۋاتتى ءومىر سالتىن ۇستاناتىنىن وڭتۇستىك جۇرتشىلىعى بۇل اكسيانى ءاردايىم قولداۋعا دايىن ەكەندىكتەرىن جەتكىزدى. الاڭعا جينالعان جاستار «سەنىڭ جاڭا قىرىڭ» اكسياسىن قولداۋ ماقساتىندا جالپىلاما دەنە جاتتىعۋلارىن جاساپ، فلەشموب ۇيىمداستىردى. سونىمەن قاتار سپورت مەكتەپتەرىنەن جاس كاراتەشىلەر جاتتىعۋ كورسەتىلىمىن ۇسىندى.
