وقو-داعى قوشقار اتا وزەنى بويىنداعى قۇرىلىس جۇمىستارى قارقىندى ءجۇرىپ جاتىر. بۇل جايىندا Qamshy.kz اقپارات اگەنتتىگى وڭتۇستىك قازاقستان وبلىسى اكىمدىگىنىڭ باسپا ءسوز قىزمەتىنە سىلتەمە جاساپ حابارلايدى.
ورداباسى الاڭىنىڭ وڭ جاق بەتىندەگى قوشقار اتا وزەنىنىڭ 1،2 شاقىرىم بولاتىن اۋماعى قوقىستان تازارتىلدى. جازى اپتاپ ىستىق شىمكەنتتىكتەر ءۇشىن بۇل ايماق تاپتىرماس دەمالىس ورنى بولاتىنى ءسوزسىز. ءقازىردىڭ وزىندە ەمدىك قاسيەتى بار سۋدىڭ تازالانعان بولىگىندە بالالار شومىلىپ ءجۇر.
وسىدان الدىن قوشقار اتا وزەنىنىڭ اينالاسى قوقىسقا تولى، ماڭايىندا ورنالاسقان جەرگىلىكتى تۇرعىندار قوقىس قالدىقتارى مەن شايىندى سۋلارىن وزەنگە توگەتىن لاس ورىن بولعان. بۇگىنگى تاڭدا بۇل ماسەلەنى وبلىس باسشىسى تىكەلەي باقىلاۋىنا الدى.
وزەن جاعالاۋىن تۇرعىنداردىڭ كۇندەلىكتى سەرۋەندەيتىن دەمالىس ايماعىنا اينالدىرۋدى كوزدەگەن وبلىس اكىمى ج.تۇيمەبايەۆ كەشە قالا باسشىلىعىمەن بىرگە قوشقار اتا وزەنى جاعالاۋىندا اتقارىلىپ جاتقان جۇمىستارمەن تانىسىپ، ناقتى تاپسىرمالار جۇكتەدى.
«ەسكى قالانى جاڭعىرتۋ» جوباسى اياسىندا «قوشقار-اتا» وزەنىنىڭ بويى اباتتاندىرىلۋدا. جوبا بويىنشا وندا الدىمەن وزەن جاعالاۋىنىڭ ەنىنەن 10 مەتر، ۇزىندىعى 1200 مەتر جەر حالىق قىدىرىستايتىن دەمالىس ورنىنا اينالادى. بۇگىندە ۇزىندىعى 1،2 شاقىرىم سۋ ارناسى تازالانىپ، وڭ جاق جاعالاۋىنا تولىقتاي اياق جول سالىنىپ، كوگالداندىرىلۋدا.
بۇدان بىرنەشە جىل بۇرىن وزەننىڭ باستاۋىنان ورداباسى الاڭىنا دەيىنگى اۋماقتا شامامەن 1،5 شاقىرىم جەردە قالپىنا كەلتىرۋ جۇمىستارى جۇرگىزىلىپ، اباتتاندىرىلعان بولاتىن. ال جالپى قوشقار اتا وزەنىنىڭ ۇزىندىعى 78 شاقىرىمدى قۇرايدى.
