استانادا ءتورت بالانىڭ اكەسى ۇشتى-كۇيلى جوعالىپ كەتتى،-دەپ حابارلايدى Qamshy.kz اقپارات اگەنتتىگى استانا قالاسىنىڭ ءىىد باسپا ءسوز قىزمەتىنە سىلتەمە جاساپ.

38 جاستاعى قۇدىرەت قالمانوۆ 30 مامىردا تۇنگى 23:00-دە جۇمىستان شىعىپ ۇيىنە كەتكەن. تۋىستارىنىڭ ايتۋى بويىنشا ول قۇرىلىس نىسانىندا تۇنگى اۋىسىمدا جۇمىس ىستەيدى. سول ءتۇنى جۇكتى ايەلىنىڭ تولعاعى باستالىپ ۇيىنە سۇرانعان. الايدا سول كەتكەننەن كەيىن جۇمىسىنا دا، ءوز ۇيىنە دە ورالماعان. 

قارىنداسىنىڭ ايتۋى بويىنشا، قۇدىرەت قالمانوۆ جاۋاپكەرشىلىگى مول ازامات. "بۇگىن ونىڭ ءتورتىنشى پەرزەنتى ومىرگە كەلدى. مۇنىمەن قوسا ونىڭ ءبىر ۇلكەن ۇلى جانە ەكى قىزى بار. ول وتباسى ءۇشىن بارىنە دايىن"، - دەدى قارىنداسى.

سونىمەن قاتار، ايەل ادام اعاسىنىڭ سوڭعى رەت بارايەۆا جانە ۋاليحانوۆ كوشەلەرى ورنالاسقان اۋداندا بولعانىن اتاپ وتكەن.

تارالعان اقپاراتقا سۇيەنسەك، قۇدىرەت قالمانوۆ قارا بىلعارى كۇرتەشەدە بولعان. كەپكا، قارا شالبار، قارا سۇر ءتۇستى فۋتبولكا، قارا تۋفلي كيگەن. 

"بەلگىلەرى: بويى 170 سم، كوزى جاسىل سۇر ءتۇستى، شاشى قارا، ورتاشا دەنە ءپىشىمدى. وسى بەلگىلەر بويىنشا قولىندا اقپارات بار ازاماتتارعا تومەندەگى نومىرلەرىنە حابارلاسۋىن  سۇرانامىز: 8 705 550 84 25، 8 702 905 04 72 نەمەسە 102"،- دەپ جازىلعان حابارلامادا.

استانا قالاسىنىڭ ءىىد-نىڭ باسپا ءسوز قىزمەتى جوعالعان ازاماتتىڭ ورنالاسقان جەرىن تابۋ ءۇشىن ارنايى ىزدەستىرىلۋ جۇمىستارى جۇرگىزىلىپ جاتقانىن حابارلادى.