سيريا پرەزيدەنتى باشار اساد كحدر-عا ارنايى بارىپ، ەل كوشباسشىسى كيم چەن ىن كەزدەسۋگە نيەتتى ەكەنىن جاريالادى،-دەپ جازادى دەپ جازادى Qamshy.kz اقپارات اگەنتتىگى، ەۋروپانىڭ "نودون سينمۋن" گازەتىنىڭ مالىمەتىنە سۇيەنىپ.

باسىلىم ۇسىنعان مالىمەتكە سۇيەنسەك، اساد مۇنداي جوسپارىن 30 مامىردا كحدر ەلشىسىنە سەنىم گراموتاسىن تاپسىرۋ راسىمىندە ايتقان. سيريا كوشباسشىسى داماسك سولتۇستىك كورەيامەن ساياسي ىنتىماقتاستىقتى قولدايتىنىن مالىمدەگەن. سونىمەن قاتار، اساد كورەي جارتى ارالىنداعى وڭ وزگەرىستەردى اتاپ ءوتتى. 

جىل باسىندا پحەنيان مەن سەۋل اراسىندا سولتۇستىك كورەيا سپورتشىلارى پحەنچانداعى وليمپياداعا قاتىسقان سوڭ جىلى قارىم قاتىناس بايقالدى. ارتىنشا قوس ەل باسشىلارى كيم چەن ىن مەن مۋن چجە ين اراسىنداعى كەزدەسۋ جوعارى دارەجەدە ءوتتى. 

وسىعان دەيىن اقش پەن كحدر باسشىلارى اراسىندا سينگاپۋردا كەزدەسۋ ۇيىمداستىرۋ جايىندا كەلىسىم جاسالعانى ايتىلعان ەدى. الايدا اق ءۇي باسشىسى شارانىڭ وتپەيتىنىن مالىمدەگەن بولاتىن. جۇرگىزىلگەن كەلىسىمدەر ناتيجەسىندە ترامپ كيم چەن ىنمەن كەزدەسۋ وتكىزەتىن بولدى. 12 ماۋسىمعا جوسپارلانعان كەزدەسۋدىڭ نەگىزگى تاقىرىبى - كورەي جارتى ارالىن يادرولىق قارۋسىزداندىرۋ.

سونىمەن قاتار، ماۋسىمدا پحەنيان مەن ماسكەۋ كحدر مەن رەسەي باسشىلارىنىڭ كەزدەسۋىن وتكىزۋ تۋرالى كەلىسىمگە قول جەتكىزدى.