بۇگىن — قازاقستان رەسپۋبليكاسىنىڭ مەملەكەتتىك رامىزدەرى كۇنى. 1992 جىلعى 4 ماۋسىمدا تاۋەلسىز قازاقستاننىڭ مەملەكەتتىك رامىزدەرى تۇڭعىش رەت بەكىتىلدى. بۇل كۇن ەل تاريحىندا مەملەكەتتىك رامىزدەر كۇنى رەتىندە تاڭبالانىپ قالدى.
Qamshy.kz اقپارات اگەنتتىگى مەملەكەتتىك رامىزدەر جايلى ون دەرەكتى ۇسىنادى:
- 1992 جىلى ق ر مەملەكەتتىك تۋىن تاڭدايتىن ساتتە 600-دەن استان ادام ءوز نۇسقالارىن ۇسىنعان.
- 1992 جىلى قابىلدانعان مەملەكەتتىك تۋداعى ويۋ باستاپقىدا قىزىل ءتۇستى بولعان. كەيىننەن التىن تۇسكە اۋىستىرىلعان.
- 1992 جىلى ەلتاڭبانى تاڭدار كەزدە 293 نۇسقا ۇسىنىلعان.
- مەملەكەتتىك ەلتاڭبا تاڭدالعان ساتتەن باستاپ ەش وزگەرىسكە تۇسپەگەن.
- ەلتاڭباعا جۇلدىز ەلباسى نۇرسۇلتان نازاربايەۆتىڭ ۇسىنىسىمەن ەنگىزىلگەن.
- باتساپقىدا ەلتاڭبا اۆتورى جۇلدىزدىڭ ورنىنا كۇن نەمەسە ايدىڭ بەينەلەنۋىن ۇسىنعان.
- 2006 جىلى بۇگىندە قولدانىستا جۇرگەن مەملەكەتتىك ءانۇران بەكىتىلدى. ول 2006 جىلدىڭ 11 قاڭتارىندا مەملەكەت باسشىسىنىڭ سالتاناتتى ۇلىقتاۋ ءراسىمى العاش رەت ورىندالدى.
- جۇمەكەن ناجىمەدەنوۆتىڭ سوزىنە جازىلعان «مەنىڭ قازاقستانىم» انىنە ەلباسى نۇرسۇلتان نازاربايەۆتىڭ ءوزى وزگەرىستەر ەنگىزىپ، ءانۇران اۆتورلارىنىڭ ءبىرى رەتىندە بەكىتىلدى.
- جاڭا بەكىتىلگەن ءانۇران 59 سوزدەن تۇرادى. ونىڭ ىشىندە 25 ءسوز جاڭادان ەنگىزىلگەن. ال اۋەنى تولىقتاي ساقتالعان. مۋزىكاسىنىڭ اۆتورى – ءشامشى قالداياقوۆ.
- العاشقى ءانۇران ءسوزىنىڭ اۆتورلارى ساياساتقا نەگىزدەلىپ تاڭدالعان دەسەدى. ولار – قازاقتىڭ ءۇش جۇزىنەن شىققان ءۇش اقىن مۇزافار الىمبايەۆ، قادىر مىرزا ءالي جانە تۇمانباي مولداعالييەۆ. كەيىنىرەك بۇل تىزىمگە اراسىندا ايەل ادام بولۋى كەرەك دەگەن ويمەن جادىرا دارىبايەۆا قوسىلعان ەكەن.
