«التاي» ۆولەيبول كلۋبىنىڭ قىزدار كومانداسى بيىل شىلدە ايىندا وسكەمەندە وتەتىن ازيا چەمپيوناتىنا دايىندىعىن باستادى. كۇنى كەشە جەرلەستەرىمىز كەزەكتى وقۋ-جاتتىعۋ جيىندارىن وتكىزۋ ماقساتىندا تۇركياعا اتتاندى.
«التاي» ۆولەيبول كلۋبىنىڭ سپورتتىق ديرەكتورى دوسجان ۋالحانوۆتىڭ حابارلاۋىنشا، تۇرىك ەلىندە التايلىقتار ەكى اپتادان استام ۋاقىت بولادى. ۆولەيبولشىلارىمىز الداعى بايراقتى باسەكەگە دايىندىقتارىن بەلەك قالاسىنداعى Gloria Sports Arena دەپ اتالاتىن زاماناۋي دەنە شىنىقتىرۋ-ساۋىقتىرۋ كەشەنىندە جۇرگىزبەك. ءدال سول جەردە كوماندانىڭ 14 ويىنشىدان قۇرالعان نەگىزگى قۇرامى جاساقتالادى دەپ كۇتىلۋدە.
تۇركيادان ورالعان سوڭ ۆولەيبولشى قىزدارىمىز بىرنەشە رەسەيلىك كوماندامەن سپاررينگ كەزدەسۋلەر وتكىزەتىن بولادى. بۇل ويىندار ماۋسىم ايىنىڭ 16-ى مەن 25ء-ى ارالىعىندا وينالماق.
