جارما اۋدانىنىڭ تۋماسى پاۆەل ميتين ءقازىر گەرمانيا مەملەكەتىندە تۇرىپ جاتىر. ول شقو-نىڭ تۋريستىك سالاسىن گەرمانيادا تانىتپاقشى.

وسىعان وراي گەرمانيا فەدەراتيۆتىك رەسپۋبليكاسىنىڭ ازاماتى پاۆەل ميتين مەن شقو تۋريستىك اقپاراتتىق ورتالىعى تۋريستىك اقپاراتتىق سەرىكتەستىك جونىندەگى مەموراندۋمعا قول قويدى. بۇل قۇجاتتىڭ اياسىندا تاراپتار شقو-نىڭ تۋريستىك الەۋەتى تۋرالى اقپارات الماسۋ، ينۆەستورلاردى تارتۋ، ايماقتىڭ تۋريستىك ءونىمىن العا باستىرۋ، تۋريستىك باعىتتار قۇرۋ جانە دەلەگاسيانى قابىلداۋدى ۇيىمداستىرۋ سەكىلدى جۇمىستاردى اتقارىپ، ءوزارا ءتيىمدى سەرىكتەستىكتى دامىتادى.

-بۇل مەنىڭ ءوزىمنىڭ ەرىكتى باستامام، — دەيدى پاۆەل ميتين.-وسى كەزەڭدە ەشقانداي ماقسات كوزدەمەيمىن جانە ەشقانداي كوممەرسيالىق ۇيىمنان اتىنان كەلىپ وتىرعان جوقپىن. مەنىڭ باستامام شىعىس قازاقستاندى ءوزىم ءجيى باراتىن ەلدەردە تانىتۋعا نەگىزدەلگەن، مىسالى گەرمانيا، شۆەيساريا، اۆستريا، رەسەي.

ايتا كەتسەك، نەمىس وكىلى جارما اۋدانىنىڭ قالباتاۋ اۋىلىندا دۇنيەگە كەلگەن. گەرمانياعا 18 جاسىندا كەتكەن ەكەن.