قىرعىزستان ۇكىمەتى مەن جۇڭگو بىشكەكتە ەكى كەلىسىمگە قول قويدى. كەلىسىم بويىنشا جۇڭگو بىشكەككە  قارىزسىز 450 ملن يۋان (70 ملن-نان استام اقش دوللارى) اقشا ءبولۋ جونىندە كەلىسىمگە قول قويدى. بۇل جايىندا ازاتتىق حابارلادى. 

قىرعىزستاننىڭ ەكونوميكا مينيسترلىگىنىڭ ايتۋىنشا، استانانىڭ اۆتوكولىك جولدارىن جوندەۋگە ارنالعان جوباعا جۇڭگو 350 ملن يۋان بولگەن.

تاعى دا كۋم-دوبو (كوچكور-باشى)، مىناكەلدي مەن بۋرانا (بالاسۇعىن) قالالارىندا ارحەولوگيالىق قازبا جۇمىستارىن جۇرگىزۋ ءۇشىن 100 ملن يۋان بولمەك.

ەكونوميكا مينيسترلىگىنىڭ تۇسىندىرۋىنشە، بىشكەك قالاسى جولدارىن جوندەۋ جۇمىستارى ءۇش كەزەڭمەن جۇزەگە اسادى. ءقازىر ءبىرىنشى كەزەڭنىڭ جۇمىستارى ءجۇرىپ جاتىر ەكەن.

بيىل اتالعان جوباعا سايكەس، بىشكەكتە بارلىعى 105 شاقىرىم بولاتىن 50 كوشەنى جوندەۋدەن وتكىزەدى. جوندەۋ جۇمىستارىنا بولىنگەن قارجىنى جۇڭگو كومەك رەتىندە بەرگەن.