2 ماۋسىم كۇنى ساعات 22.30-دا اسكەري نارياد جەتەكشىسى ەفرەيتور ەربولات قاراجىگىتوۆ پەن قاتارداعى سارباز ديدار بولات جانە بايسۇلتان اياپبەرگەنوۆ وزدەرىنە تيەسىلى اۋماقتا قوعامدىق ءتارتىپتى قاداعالاۋ قىزمەتىن اتقارىپ جۇرگەندە ايەلىنە ءزابىر كورسەتكەن ەر ادامدى قولعا ءتۇسىردى، دەپ حابارلايدى Qamshy.kz اقپارات اگەنتتىگى.
اسكەريلەر ءۇيدىڭ كىرەبەرىسىنەن جانۇشىرا جۇگىرىپ شىققان ايەلدى كورەدى. ولار قان جوسا بولعان سول جاق كەۋدەسىن الاقانىمەن جاپقان ايەلگە شۇعىل كومەك كورسەتتى. ايەلدى كۇيەۋى پىشاقتاعان.
5516 اسكەري ءبولىمىنىڭ ساربازدارى بولعان وقيعانى كەزەكشى بولىمگە حابارلاپ، جەدەل جاردەم مەن قۇقىق قورعاۋ ورگاندارىنىڭ وكىلدەرى دە شاقىرىلادى. جاراقات العان ايەلدىڭ ءجون سىلتەۋىمەن ونىڭ جولداسى تۇرعىن ءۇيدىڭ كىرەبەرىسىندە تۇرعان جەرىنەن كۇش قولدانۋ ارقىلى تۇتقىندالدى.
تەكسەرۋ ناتيجەسىندە ازاماتتىڭ سپيرتتىك ىشىمدىك پايدالانعانى انىقتالدى جانە ول تەمىرتاۋ قالالىق پوليسيا بولىمىنە جەتكىزىلدى.
