ايماق باسشىسى دانيال احمەتوۆ رەسەي فەدەراسياسىنىڭ قازاقستانداعى توتەنشە جانە وكىلەتتى ەلشىسى الەكسەي بوروداۆكين مىرزانى قابىلدادى.

وبلىس اكىمى كەزدەسۋ بارىسىندا شىعىس قازاقستان تۋرالى جان-جاقتى اقپارات بەرىپ ءوتتى. اتاپ ايتساق، ءوڭىر باسشىسى قازسينك، ءۇمز، اقتوعاي كەشەنى سياقتى ولكەدەگى الپاۋىت ءوندىرىس ورىندارىنىڭ قازىرگى تىنىس-تىرشىلىگى مەن جوسپارلارىنا توقتالدى. الەمدەگى بەريلييدىڭ جانە تانتالدىڭ 30 پايىزى ءبىزدىڭ وڭىردە وندىرىلەدى دەگەن دانيال احمەتوۆ شيكىزاتتان بىرتىندەپ دايىن ءونىم شىعارۋعا كوشۋ – باستى ماقسات ەكەنىن قاداپ ايتتى. شىعىستاعى ءۇش گەس-تىڭ – بۇقتىرما، وسكەمەن جانە ءشۇلبى سۋ ەلەكتر ستانسالارىنىڭ مول مۇمكىندىكتەرىن دە اتاپ كورسەتتى. اگرارلىق سالاداعى وبلىستىڭ الەۋەتى دە ايتىلدى. جىلىنا 1 ميلليوننان استام تونا ءسۇت وندىرەتىن شىعىس قازاقستان قازىرگى كەزدە كورشىلەس جۇڭگو نارىعىنا ءوتۋدى كوزدەپ وتىر.
بىلتىر شقو مەن رەسەي اراسىنداعى تاۋار اينالىمى 1 ميلليارد 360 ميلليون اقش دولللارىن قۇراعان. ازىرشە، ساتۋدان گورى ساتىپ الۋىمىز كوپ بولىپ وتىر. ءبىراق، الداعى ۋاقىتتا الىس-بەرىس، ياعني يمپورت-ەكسپورت تەپە-تەڭدىگى ورنايدى دەپ كۇتىلۋدە. شىعىستىڭ رەسەي نارىعىنا وتكىزەر تاۋارلارى دا بارشىلىق.

ايماق باسشىسى وسى جىلى تاۋار اينالىمى 1 جارىم ميلليارد دوللارعا تاقايتىنىن ايتىپ، ءوزارا ءتيىمدى قارىم-قاتىناس ورناتاتىن سالالاردىڭ ءالى دە كوپ ەكەنىن تىلگە تيەك ەتتى.

ەلشى مىرزا ءوز ءسوزىن لاۋازىمىنا كىرىسكەنىنە 2 جارىم اي عانا بولعانىن ايتۋدان باستادى.

– قۇرمەتتى دانيال كەنجەتاي ۇلى، مەن وسى قىزمەتكە جۋىردا عانا كىرىستىم. بۇل – مەنىڭ قازاقستان وڭىرلەرىنە جاساپ وتىرعان العاشقى ساپارىم. ونى شىعىستان باستاۋدى ءجون سانادىم. ويتكەنى، مۇندا ءبىزدىڭ كونسۋلدىعىمىز بار، ول ءقازىر وتە جاقسى جۇمىس ىستەپ جاتىر. سوسىن قازاقستاننىڭ وندىرىستىك ءوڭىرى بولىپ تابىلاتىن شىعىس قازاقستاندا رەسەيلىك كومپانيالاردىڭ قاتىسۋىمەن قۇرىلعان كاسىپورىندار كوپتەپ سانالادى. الداعى ەكى-ۇش كۇندە وبلىستى ارالاپ، جاقىنىراق تانىسۋعا تىرىسامىن، – دەدى ا.بوروداۆكين مىرزا.

جوسپار بويىنشا،ەرتەڭ ەلشى شقمتۋ ۇجىمىمەن كەزدەسىپ، وسكەمەندەگى ءبىرقاتار ءىرى كاسىپورىنداردى ارالاماق.